Լևոն Քոչարյանը տելեգրամյան իր ալիքում գրել է.
«Ես տեսնում եմ, որ շատերդ չեք հասկանում իրավական նրբություններից... (օրենսգիրք, հոդված, հակասահմանադրական...) և այս ամենը խճճում է ձեզ. դա նորմալ է:
Եթե փորձեմ պարզ բացատրել, ապա ունենք հետևյալ պատկերը. պատկերացրեք ձեզ ասում են, որ դուք հանցանք եք գործել x հոդվածով: Դուք բացում եք էն գիրքը (քր. օրենսգիրք) և փնտրում եք այդ x հոդվածը ու չեք գտնում: Բայց ձեզ միևնույն է, շարունակում են հետապնդել այդ գոյություն չունեցող x հոդվածով:
Սա կոչվում է «беспредел» (крайняя степень беззакония, беспорядка):
Ահա այս պատկերը ունենք մենք` ՍԴ հայտնի որոշումից և այսօրվա հերթական խայտառակ նիստից հետո»:
«ՉԻ». Իսկապես, ինչպիսի խայտառակություն ու անհարգալից վերաբերմունք բարձր դատարանի հանդեպ: Բա նախագահ Քոչարյանի օրոք կարո՞ղ էր նման բան պատահել:
2003 թվականի նախագահական խայտառակ ընտրություններից հետո նույն դատարանը որոշեց, որ մեկ տարի անց պետք է անցկացնել վստահության հանրաքվե: Ի՞նչ արեց Քոչարյանը. գրողի ծոցը ուղարկեց բարձր դատարանի առաջարկը: Ի՞նչ արեց այն մարդկանց հետ, որոնք պահանջում էին կյանքի կոչել ՍԴ որոշումը: Թողեց, որ մի քանի ժամ մնան Բաղրամյան պողոտայում, իսկ մութն ընկնելուն պես այնպես ծեծեց, որ ընդմիշտ մոռանան իրենց պահանջի մասին: Իմիջիայլոց, միայն ծեծելով չբավարարվեց, այլ նաև քարուքանդ արեց մի շարք ընդդիմադիր կուսակցությունների գրասենյակները:
Այ դա իսկական բեսպրեդել էր: Սրանց արածը ընդամենը մանկական խաղ է, իսկ պապայի արածը՝ 18+ ֆիլմ:
Լևոնը անկեղծ երիտասարդ է, պետք է գրեր՝ եթե ուզում եք մի բան անել, արեք պապայի նման, մի՛ եղեք կեղծ կրկնօրինակ: