Մարգարիտա Գրիգորյան. Կենդանակերպի նշանը՝ Ծելետուզիկ:
Այս համաստեղության տակ ծնվածների համար շաբաթը հագեցած կլինի անհարմար իրադարձություններով:
Երկուշաբթի օրը կհայտարարեք, որ Հանրային հեռուստատեսությունը մեդիադաշտի Մայր տաճարն է, և նրան քննադատելը սրբապղծություն է:
Երեքշաբթի օրը Հ1-ի՝ Վատիկանի թեմի առաջնորդը իր զորակցությունը կհայտնի ձեզ և կօծի ձեր հերոսական աշխատանքը:
Չորեքշաբթի օրը լայվ կմտնեք՝ Հ1-ի առավելությունները պատմելու համար, բայց հետո տուալետ գնալիս կմոռանաք անջատել հեռախոսը:
Հինգշաբթի բեղմնավոր օր է. վարչապետի ուղերձների հեռարձակման բոլոր կապուղիները էքսկլյուզիվ իրավունքներով 5 տարով կվաճառեք Mishik & bombany օֆշորային ընկերությանը:
Ուրբաթ օրը կհայտարարեք, որ ով զզվում է Հ1-ից ու ի վիճակի չէ այն դիտել, կարող է յոլա գնալ նրա փոխարինիչներով՝ Armenia Tv, ArmNews, 5-րդ ալիք, Հ2:
Շաբաթ օրը և կիրակին կանցկացնեք ինքնալիկվիդացման պայմաններում. անպայման դիտեք «Ստվերներն անհետանում են կեսօրին» ֆիլմը: