Ռուբեն Հայրապետյան. Կենդանակերպի նշանը` Կոշկավոր կատու:
Այս համաստեղության տակ ծնվածների համար շաբաթը հագեցած կլինի սանիտարահիգիենիկ իրադարձություններով:
Երկուշաբթի օրը կայցելեք ոստիկանություն. մուտքի մոտ ձեզ կդիմավորեն Լևոնը, Շանթն ու Մենուան:
Երեքշաբթի կհայտարարեք, որ ձեր օրոք Հայաստանի հավաքականի խաղացողները խաղակոշիկները մաքրում էին Սան Մարինոյի թիմի վրա:
Չորեքշաբթի ոստիկանությունից դուրս կգաք. կբոքսեք առաջին իսկ մարդուն, ով որ կասի, թե ձեր կոստյումի վրա հետքեր կան:
Հինգշաբթի օրը հանդիպում կունենաք Արթուր Վանեցյանի հետ. կստորագրվի Արմեն Մելիքբեկյանին համատեղ սամասուդ անելու հուշագիր:
Ուրբաթ կհայտարարեք, որ վախեցող տղա չեք և մենակ մի բան եք երազում. միասին մի կամերում նստել Քոչարյանի հետ:
Շաբաթը և կիրակին անցկացրեք «Հարսնաքարում» և նշեք ձեր հերոսական անցյալի 20-ամյակը: Չմոռանաք Վիցինի խոսքերը. «Чей туфля?»:
«Չորրորդ իշխանություն», թիվ 19, 2020