Հ. Թումանյանի թանգարանի տնօրեն Անի Եղիազարյանը իր ֆեյսբուքյան էջում գրել է.
«Է՜յ, լա՛վ կենաք, ակա՛նջ արեք,
Մի բան պատմեմ հիմի ձեզ... /Հ.Թ./
!!!Ուշադրություն
Հովհ. Թումանյանի մտքերից մեջբերումներ անելը կամ համարձակությունը նրա մասին խոսելու Հայաստանի սահմաններից դուրս համարվում է աններելի քայլ և արժանանում է ՀՀ կրթության, գիտության, մշակույթի և սպորտի նախարարություն կողմից պատժի՝ աշխատանքից հեռացում (և կամ մեծահոգաբար հորդորել սեփական դիմումի համաձայն հեռացում)»:
«ՉԻ». Էս չլինի՞ Հայաստանում վերագործարկվել է Գլավլիտը: Կամ էլ ստեղծվել է կառավարությանն առընթեր «Հայգրակկրակ» ՊՈԱԿ-ը:
Երևի դպրոցներում, բուհերում արդեն ցենզորներ են ուղարկում՝ մի հատ ստուգեն, թե ով ինչ բանաստեղծություն է արտասանում, երբ, ում մասին, ինչ առոգանությամբ: Հետո զեկուցում են, թե ով է հատել իշխանության սահմանած կարմիր գծերը:
Իսկ արտասահմանում Հովհաննես Թումանյանից մեջբերումներ անելը, իհարկե, աններելի արարք է: Հետաքրքիր է, թե ինչ է ասել թանգարանի տնօրենը: Թումանյանի որ խոսքերն է արտասանել:
Բացառված չէ, որ այս տողերը.
Դո՛ւք, որ ուզում եք աշխարքին խաբել,
Եվ դատաստանի առաջ դողալով
Գիտեք կեղծավոր արտասուք թափել
Չարությամբ լեցուն, հանցավոր սրտով:
Եթե սա է արտասանել, ապա առանձնակի դաժանության հանցանք է: Այստեղ բանը կարող է միայն գործից հանելով չավարտվել: Մի խոսքով հեռու մնացեք Թումանյանից, գիր սիրեք, ղալամ սիրեք: Կամ գոնե Ռուբեն Հախվերդյան կարդացեք.
Հի՛ն ընկեր, իմ անգի՛ն ընկեր,
Արդյոք նո՞ւյնն ես մնացել,
Նիհարե՞լ ես դու, թե՞ լցվել
Ու հետույքդ հաստացրել: