«Հրապարակ» թերթը գրել է, որ ըստ Էջմիածնի տեղեկատվական համակարգի՝ Ամենայն հայոց կաթողիկոս Գարեգին Բ-ն հունիսի 27-ին մեկնել է Հնդկաստան և Թաիլանդ` մեկշաբաթյա այցով:
«Պարզվեց` Հայ առաքելական եկեղեցուց մեկ անձ է ուղեկցել` կաթողիկոսի գավազանակիրը: Պատվիրակության մեջ են եղել երկու երիտասարդ կին:
Հետաքրքրվեցինք, թե այս հետաքրքիր խումբը երբ է վերադառնալու Հայաստան, մեզ ասացին` ոչ ոք չգիտի և առհասարակ ոչ ոք չգիտի, թե ինչու է Գարեգին Բ-ն մեկնել արևելյան երկրներ, բայց ենթադրեցին, որ այսօր-վաղը, հավանաբար, կվերադառնան»,- հայտնում է թերթը:
«ՉԻ». Հետաքրքիր է, թե որ Թաիլանդ էլ էր գնում, էն երկու երիտասարդ կանանց ինչի՞ է հետը տարել:
Նշանակում է` այցը բացառապես հոգևոր բնույթ է կրել: Ի՞նչ եք դրել, շահարկում: Պետք չի մազի մեջ ճաշ փնտրել:
Մարդ է, իրավունք չունի՞ մի շաբաթով տեղ գնա: