...

Ինչո՞ւ խորագետ չէիք պատերազմի չորրորդ օրը

Ինչո՞ւ խորագետ չէիք պատերազմի չորրորդ օրը

Արցախի նախագահ Արայիկ Հարությունյանը կրկին բաց նամակով դիմել է Վլադիմիր Պուտինին:  Նամակը ամբողջությամբ չմեջբերենք: Մի քանի պարբերության մեջ Հարությունյանը մի քսան անգամ շնորհակալություն է հայտնում ՌԴ նախագահին՝ առ այն, որ նա խաղաղություն հաստատեց Արցախում և մեծ օժանդակություն է ցուցաբերում Արցախի վերականգնմանը:

Խնդիրը ներկա նամակը չէ: Խնդիրն այն տոնայնությունն ու մտքերն էին, որոնք Հարությունյանն արտահայտեց պատերազմի չորրորդ օրը Ստեփանակերտում տեղի ունեցած մամլո ասուլիսի ժամանակ, որին մասնակցում էին նաև օտարերկրյա լրագրողներ:

Այն ժամանակ Արայիկ Հարությունյանը վերամբարձ տոնով էր խոսում Ռուսաստանի կողմից պատերազմը դադարեցնելու դերի մասին: Նշում էր, որ Ռուսաստանը չի կարող հայկական կողմին պարտադրել, այլ միայն կարող է խնդրել դադարեցնել ռազմական գործողությունները: Հարությունյանի գլխավոր ուղերձն այն էր, որ իրավիճակ է փոխվել, և 2016 թվականի սցենարն այլևս չի կարող կրկնվել:

Գոնե հիմա, կեսբերան պետք է խոստովանել, որ դասականի ասած՝ խորագիտություն չի ցուցաբերել, ամբողջովին չի հասկացել իրողությունները, մի խոսքով՝ լոպազություն է դրսևորել դիվանագիտական հռետորաբանության մեջ, ուստի հարգարժան Վլադիմիր Վլադիմիրովիչը պետք է ներողամտություն ցուցաբերի գեներալ Մուրադովի ներկայիս խոսնակի հանդեպ:

ՎԱՐԿԱՆԻՇ

   695 ԴԻՏՈՒՄ

Տարածեք

ՆՄԱՆԱՏԻՊ ՆՅՈՒԹԵՐ
Դեպի ՎԵՐ