Հայաստանի բարձր տեխնոլոգիական արդյունաբերության նախկին նախարար, Առաջատար տեխնոլոգիաների ձեռնարկությունների միության նորանշանակ գործադիր տնօրեն Հայկ Չոբանյանը հայտարարել է. «Մենք չենք պարտվել ադրբեջանցի զինվորին, մենք պարտվել ենք Ադրբեջանի ԶՈւ-ում ներդրված տեխնոլոգիաներին»:
«ՉԻ». Սա լավ նորություն է: Փաստորեն մենք չենք պարտվել ադրբեջանցի զինվորին: Իսկ եթե չենք պարտվել, ուրեմն՝ հաղթել ենք: Այնպես որ, կարելի է ասել, հաղթանակած իշխանություն ենք ունեցել:
Դրա համար հաջորդ պատերազմում մենք պետք է կռվենք ոչ թե ադրբեջանցի զինվորի, այլ Ադրբեջանի ԶՈւ-ում ներդրված տեխնոլոգիաների դեմ: Ուղղակի մի բան նշենք. երբ ասում են զինվոր, այս իշխանությունները պատկերացնում են մի հատ մարդ՝ հեռվում կանգնած, որի հետ դեմ առ դեմ կռվելուց նաղդ հաղթող ենք: Մինչդեռ զինվորը դա նաև իր ձեռքի տակ ունեցած զենք-զինամթերքն է, իր մարտունակությունը ապահովող, բարձրացնող տեխնոլոգիաները: 21-րդ դարում Զինված ուժերից մենակ զինվորին առանձնացնել հնարավոր չէ: