«Եթե Ծառուկյանին ձերբակալելով ժողովրդի վիճակը կլավանա, ուրեմն հարց չկա»,- այսօր դատարանի մուտքի դիմաց հայտարարել է Ծառուկյանը:
«ՉԻ». Չգիտենք, թե ինչով կավարտվի ԱԱԾ քննիչի միջնորդությունը, դատարանը կբավարարի այն, թե կմերժի, բայց մի բան հաստատ է՝ Սերժ Սարգսյանն իրավունք ունի դատի տալ Ծառուկյանին հեղինակային խոսքերը գողանալու համար:
Մնում էր մի հատ էլ ասեր՝ Արցախը երբեք չի լինելու Ադրբեջանի կազմում:
Հիմա՝ ըստ էության: Ծառուկյանին ձերբակալելով՝ ժողովրդի կյանքը չգիտենք կլավանա, թե ոչ, բայց չվճարած հարկերի վերադարձի դեպքում միանշանակ ահագին կլավանա: Ժողովրդի կյանքը չէր լավանում 5 տարին մեկ 5000-10000 դրամ բաժանելով կամ տուկի թել տրամադրելով: Ժողովրդի կյանքը լավանում է, երբ մենաշնորհ ունեցող Շանգրի-Լան հարկերը վճարում է ամբողջ ծավալով և ոչ աչքաչափով:
Թե՞ ճիշտը հարկերը չվճարելն է, պարտքեր վերցնելը և այն նույն ժողովրդի վզին թողնելը: Տարբերակ, որ քանի օր է՝ քարոզում է Ծառուկյանը:
Բացի դրանից, այս փուլում Ծառուկյանը ամենից շատը պետք է շահագրգռված լինի կալանավորմամբ: Այդ դեպքում նա ստիպված չի լինի հանդես գալ հանրահավաքում, նրա փոխարեն կկարդան ուղերձ, որն իբր ինքն է գրել:
Հաստատ ավելի քիչ հեգնելու տեղիք կտա: