...

Վերլուծաբան ջան, հարկերը վճարիր

Վերլուծաբան ջան, հարկերը վճարիր

«Դրամի կուրսը թանկանում ա, 481-ից դառելա 525, կարա 600, 800, 1000 լինի, որտև բանկային համակարգը քանդվել ա»,-  մի շարք լրագրողների հետ հանդիպման ժամանակ հայտարարել է Գագիկ Ծառուկյանը:

«ՉԻ». Պարոն Ծառուկյան, դրամի՛ կուրսը չի թանկանում, այլ դոլարի, համաձայնվեք, որ դա մի քիչ այլ բան է: Բացի այդ, ձեզ խաբում են, օգտվում են նրանից, որ անձամբ չեք մտնի փոխանակման կետ՝ ստուգելու կուրսը: Այսօր դոլարի կուրսը 517 դրամ է:

5 տարի առաջ դեկտեմբերին կուրսը բարձրացավ շուրջ 25 տոկոսով, բա ինչո՞ւ չպահանջեցիք ձեր խնամի Հովիկ Աբրահամյանի հրաժարականը: Թե՞ նախկինները, ի տարբերություն ներկաների, տիրապետում էին իրապես բամփելու արվեստին:

Եվ, ընդհանրապես, Ծառուկյանը ճիշտ կանի դադարեցնի տնտեսության կամ ժողովրդի սոցիալական վիճակի մասին իր մտահոգությունները հրապարակային արտահայտելը: Կոնկրետ կա մեղադրանք, որ 80 միլիարդ դրամի հարկ չի վճարվել: Եթե Ծառուկյանն իսկապես մտահոգված է ժողովրդի սոցիալ-տնտեսական վիճակով, պետք է օր առաջ պահանջի արագացված դատաքննություն՝ պարզելու, թե ով է կեղծում:

Եթե ՊԵԿ-ն ու ԱԱԾ-ն են կեղծում, պետք է ներողություն խնդրեն մեծ բարերարից, որից հետո նա տնտեսական վերլուծություններ անելու և քննադատություն հնչեցնելու բարոյական իրավունք կունենա: Իսկ այսպես մի տեսակ արժանահավատ չի հնչում:

Այս օրերին բանկերն իրենք են քաղաքացիներին տարատեսակ վարկեր առաջարկում, իսկ քանդված բանկային համակարգը իրեն նման շռայլություն չի կարող թույլ տալ:

#Tags / Պիտակներ

ՎԱՐԿԱՆԻՇ

   1584 ԴԻՏՈՒՄ

Տարածեք

ՆՄԱՆԱՏԻՊ ՆՅՈՒԹԵՐ
Դեպի ՎԵՐ