ԱԺ ՔՊ խմբակցության պատգամավոր Արմեն Խաչատրյանը, անդրադառնալով բանակում առկա իրավիճակին, ասել է. «Պետք էլ չի խոսել այդ մասին, բանակն այն ոլորտն է, որտեղ ինչքան փակ ու գաղտնի, այնքան լավ»:
«ՉԻ». Հասկացանք: Այսինքն՝ այս տարի բանակում այլևս ոչ ոք չի զոհվելու, սպանվելու, ինքնասպանվելու: Օրերս մի զինակոչիկ, որը սրտի հետ կապված խնդիր էր ունեցել, որին պետք է ազատեին ծառայությունից, բայց չէին ազատել, մահացել էր: Սրանից հետո էլ ոչ ոք չի մահանա, ու հիվանդ, սրտի կամ առողջական այլ խնդիրներ ունեցող տղաներին բանակ չեն տանի:
Բա լավ չի՞: Փակ ու գաղտնի կլինի, ու եթե նույնիսկ բանակում վատ բան լինի, չենք իմանա: Իսկ որ չիմանանք, կմտածենք, որ ամեն ինչ լավ է: Իսկ որ ամեն ինչ լավ է, ուրեմն կմտածենք, որ հզոր բանակ ունենք, եթե ոչ մի ՉՊ չի լինում:
Ուրեմն, պայմանավորվեցինք. ինչքան փակ ու գաղտնի, այնքան քիչ խնդիրներ: