Ձեռագրերը չեն այրվում
31.05.2020 / 12:00
Լուր-մեկնաբանություն
31.05.2020 / 11:00
Երազահան
31.05.2020 / 10:00
Աստղագուշակ
30.05.2020 / 22:00
Քաղաքական
30.05.2020 / 20:00
24.10.2019   16:00
2389

Ադրբեջանի հետ բանակցելու նպատակը Մամեդյարովին գոհացնելը չէ. ԱԺ «Իմ քայլը» խմբակցության պատգամավոր


Օրերս ռուսական «Իզվեստիա» թերթին տված հարցազրույցում Ադրբեջանի ԱԳ նախարար Էլմար Մամեդյարովը հիասթափություն էր հայտնել հայ պաշտոնակցի` ՀՀ արտաքին գործերի նախարար Զոհրաբ Մնացականյանի հետ Նյու Յորքում իր վերջին հանդիպումից: ԱԺ պատգամավոր, ԱԺ Արտաքին հարցերի մշտական հանձնաժողովի անդամ Սոս Ավետիսյանը «ՉԻ» հետ զրույցում մեկնաբանեց հայտարարությունը՝ նշելով, որ Ադրբեջանի հետ բանակցելու նպատակը Մամեդյարովին գոհացնելը չէ: 

- Այստեղ խնդիրն ուրիշ է, և ես մի կարևոր հանգամանք եմ ուզում առանձնացնել: Ադրբեջանում կան թյուրընկալումներ Հայաստանի օրակարգերի մասին, բայց Հայաստանը իր առջև հստակ խնդիրներ է դրել: Այս տարվա փետրվար ամսին  անվտանգության խորհրդի նիստում ներկայացված է բանաձև, թե մենք ինչպես ենք պատկերացնում ԼՂ հակամարտության խաղաղ կարգավորումը: Մինչդեռ Ադրբեջանի կողմից եղել են հայտարարություններ, որոնք որևէ կերպ չեն նպաստում բանակցային նորմալ միջավայրի ձևավորմանը: Օրինակ, Զանգեզուրի, տարածքային ամբողջականության, թյուրքական աշխարհի միավորման միրաժների մասին հայտարարությունները, Նժդեհի անվան շահարկումը: Բնականաբար, նաև այսպիսի հակահայկական հիստերիան թույլ չի տալիս,  որպեսզի ձևավորվի բանակցային նորմալ մթնոլորտ: Իսկ այն, ինչ այս օրերին տեղի է ունենում Ադրբեջանում (իշխանությունների դեմ բողոքի ցույցեր, միտինգներ), ստիպում են Ադրբեջանի իշխանություններին ժողովրդին համախմբել և ուղղորդել, այսպես ասած, արտաքին թշնամու կերպարի դեմ, որը հին և փորձված մեթոդ է: 

Մթնոլորտը լարված է, որովհետև Ադրբեջանում տեղի են ունենում սոցիալ- քաղաքական որոշակի գործընթացներ, և Հայաստանում հեղափոխությունը չէր կարող ազդեցություն չունենալ դրանց վրա: Ինչքանով Ալիևի ռեժիմը կկարողանա կերակրել սեփական ժողովրդին: Այդ պատճառով փորձ է արվում վերևից թելադրված բարեփոխումներ մտցնել Ադրբեջանում: Վերջերս ընդդիմությունը  բռնության դեմ ցույցեր էր անում, սակայն այդ ցույցերը շատ դաժան կերպով ճնշվեցին, իսկ այդ առնչությամբ եղան  հայտարարություններ ԵԽԽՎ-ից, որը այդ երևույթի վտանգավորության մասին մտահոգություն հնչեցրեց: 

- Պարոն Ավետիսյան, ըստ ձեզ, Սիրիայի դեպքերը  ինչպե՞ս կանդրադառնան Հայաստանի վրա:

- Սիրիայում կատարվածը ես հասկանում եմ իբրև ապրիլյան պատերազմի ուրվական: Այնտեղ էլ տեղի ունեցան դեպքեր, որոնք կասկածի տակ դրեցին անվտանգության ընդհանուր համակարգը: Սիրիայում իհարկե մի փոքր այլ էր, քանզի մենք տեսանք, որ այն նույն ջանասիրությամբ, որով մարտնչում էին տարբեր աշխարհաքաղաքական կենտրոնները, այժմ կա որոշակի համագործակցություն: Այսինքն՝ թուրքական  այս արշավանքին համաձայն էր ԱՄՆ-ը, համաձայն էր Ռուսաստանը, որոշակի առումով համաձայն էր նաև Ասադը, որովհետև քրդերը իր համար էլ էին խնդիր, և ըստ էության քրդերը մենակ էին մնացել: Այս ամենը գլոբալ պայմանավորվածությունների հետևանք էր: Ընդամենը  երկու կառույց արձանագրեցին, որ կան խնդիրներ: Դրանցից մեկը Եվրամիությունն էր, որը, ըստ երևույթին, հաշվի էր առել միգրանտների հոսքերը  և դրանց հետևանքները: Մյուս երկիրը Իրանն էր, որը դատապարտել էր երևույթը: Որոշակի չափով կատարվածը դատապարտեց նաև Ռուսաստանը: Ես կարծում եմ, որ մեր պարագայում լարվածությունը չի փոխանցվի մեր սահմանագծին, քանի որ գլոբալ անվտանգության պայմանավորվածությունները այդպիսին են: Դրա հետ մեկտեղ, Ադրբեջանը նաև հասկանում է, որ Հայաստանում կոռուպցիայի դեմ պայքարը շատ լուրջ է: Եվ քանի որ գումարները ավելանում են, հնարավորություն է ընձեռվում բարելավել ու համալրել ռազմական բազան: Դրա համար, կարծում եմ, ավելորդ հուզականությունը այս առնչությամբ ավելորդ է, և պետք է շատ սթափ նայել իրավիճակին: Լարվածության մասին դատողությունները պետք է դիտարկել միայն պաշտոնական հարթության մեջ: Բանակում բարեփոխումներն ակնհայտ են թե՛ սննդի բարելավման, թե՛  ռազմական տեխնիկայի ներմուծման առումներով: Մենք կարող ենք փաստել, որ ունենք մարտունակ բանակ:

- Խոսվում է այն մասին, որ բյուջեի սղության պատճառով բանակը նոր զինտեխնիկայով հագեցնելու ուղղությամբ պաշտպանական համակարգի համար  գումարներ նախատեսված չեն: 

- Դա այնքան էլ այդպես չէ: Պաշտպանական ոլորտի համար կան բյուջետային ծախսեր, որոնք չեն երևում և չպետք է երևան: Դրանք ներկայացվում են այլ տողերով: Ինչպե՞ս կարող է պատերազմող կամ պատերազմական իրավիճակում գտնվող երկիրը լուրջ չվերաբերվել մարտունակությանը: Կա նաև ռազմավարական ծրագիր. կառուցելու ճանապարհ Գորիսի միջով: Սրանք ծրագրեր են՝ ուղղված պաշտպանական համակարգին, իսկ բանակի մարտունակության խնդիրը առաջնահերթայիններից է: Ուղղակի գաղտնիք չէ, որ որոշ անձինք այդ խնդիրը դարձնում են ներքաղաքական շահարկումների թեմա:

- Մամուլում տեղեկություններ հրապարակվեցին հայ-ադրբեջանական սահմանին կուտակումների, ինչպես նաև մի քանի տասնյակ երկրապահների առաջնագիծ մեկնելու մասին: Ի՞նչ կասեք այս մասին:

- Ճիշտն ասած, ես այդ մասին որևէ տեղեկություն չունեմ: Չկա նաև պաշտոնական պարզաբանում, այդ իսկ պատճառով չեմ կարող մեկնաբանել այդ տեղեկությունը:

Մելանյա Ծառուկյան



Հարգելի ընթերցողներ, այստեղ դուք կարող եք տեղադրել ձեր կարծիքը տվյալ նյութի վերաբերյալ` օգտագործելով Facebook-ի ձեր account-ը: Խնդրում ենք լինել կոռեկտ և հետևել մեր պարզ կանոներին. արգելվում է տեղադրել թեմային չվերաբերող մեկնաբանություններ, գովազդային նյութեր, վիրավորանքներ և հայհոյանքներ: Խմբագրությունն իրավունք է վերապահում ջնջել մեկնաբանությունները` նշված կանոնները խախտելու դեպքում:
 Պիտակներ

         Մելանյա Ծառուկյան, Սոս Ավետիսյան


Գովազդ
››› Մերժվածների ջղակծկումների և վարչապետի ձախողումների արանքում
››› Ո՞վ է եղել իրական դավաճանը
››› Երբ թիրախավորվում է լռությունը
››› Ինչո՞ւ են զինվորները զոհվում Ղարաբաղում և ինչո՞ւ են բոլոր զոհերը հայաստանցի
››› Մշակութային հեղափոխություն չի լինելու
››› Ատելության խոսքը, ամբոխահաճությունը և տրամաբանությունը
››› Տաշիրյան սարդոստայն
››› Գործող Սահմանադրությունը կարող է ոչնչացնել հեղափոխությունը
››› Առաջիկա երկու-երեք ամիսները վճռորոշ են լինելու
››› ԱԱԾ-ն պետք է կանխի Քոչարյանի գայթակղությունները
››› Նիկոլն ընդդեմ Նիկոլի
››› Այսպես է լինում, երբ վեթթինգի փոխարեն հավատում են դատախազի ազնիվ խոսքին
››› Սրանց գործը փախնողներին «հաջող» անելն է
››› Արսեն Թորոսյանն ու Ալեն Սիմոնյանը՝ 1-9 հաշվով պարտության գլխավոր մեղավորներ
››› Ակորդեոնիստը որոշել է նստել «սուխոյ ատկազով»
››› ՀՀԿ-ի անհաջող գրագողությունը
››› Տանը վեր ընկնելու ժամանակները
››› Անցյալի պատանդները

Ամենաընթերցված

















«ՉԻ» ռիթմով
«ՉԻ» ռիթմով
11.05.2020 / 2648










«ՉԻ» ռիթմով
«ՉԻ» ռիթմով
04.05.2020 / 2279













Թիմ չի, մուրազ է






Գործակալ 00
Գործակալ 00
02.05.2020 / 1824