Այսօր ընդդիմության ներկայացուցիչները ծաղկեպսակ են դրել ԱԺ «Իմ քայլը» խմբակցության պատգամավոր Հրաչյա Հակոբյանի տան դիմաց. Այն հարցին, թե արդյոք սա չի նշանակում, որ հնձում եք ձեր ցանածը, քանի որ 2018-ին էլ ձեր աջակիցներն էին դագաղներ, ծաղկեպսակներ, սև ժապավեններ դնում ՀՀԿ-ականների տների մոտ, «Իմ քայլի» պատգամավոր Արուսյակ Ջուլհակյանն ասել է. «Առաջին անգամ Հայաստանում քաղաքական գործիչների տան մոտ ծաղկեպսակներ դրվել են 2008-ին ներկայիս ընդդիմադիր գործիչների կողմից, երբ նախագահի թեկնածու Լևոն Տեր-Պետրոսյանի տան դիմաց մի ամբողջ հուղարկավորության տեսարան էր կազմակերպվում օրեր շարունակ: Երբ խոսք լինի ցանելու մասին, կտեսնեք սկզբնաղբյուրը այդ արատավոր երևույթի: Ես այդ երևույթը դատապարտել են 2008-ին, 2018-ին, ինչպես նաև հիմա»:
«ՉԻ». Բա, հարգելի նախկին իշխանավոր, իսկ այսօր՝ ընդդիմադիր դեմքեր ջան: Էս թաղման տեսարաններ, հուղարկավորություն, դագաղ, սև ժապավեններ... այս ամենը ձեր կերած կեղտերից մեկն է, որը ժառանգություն եք թողել:
Դրա համար էլ 2018-ի հեղափոխության օրերին, երբ նիկոլականները սև ժապավեններ էին կախում, օրինակ, Է. Շարմազանովին հանգուցյալի լուսանկարով՝ նրա տան դիմաց ակցիա էին անում, մի հատ ծպտուն չէին կարողանում հանել, ոչ թե վախից, այլ ամոթից:
Հը՞ն, պարոն Աղվան Հովսեփյան և պարոն Միքայել Մինասյան. հիշեցի՞ք, թե ինչպես էին ձեր ստուկաչն ու ձեր շիզոն հուղարկավորության տեսարաններ կազմակերպում:
Հանրապետական ջահելներն էլ կողքից շախ էին տալիս: Կայֆ էր, չէ՞: Այն ժամանակ ձեր յուղը շատ էր, չգիտեիք, որտեղ քսեիք: