«Ամեն շարժվող բան չէ, որ շարժում է», ԱԺ ՔՊ խմբակցության պատգամավոր Արուսյակ Ջուլհակյան, 21.05.2024:
«ՉԻ». Ականջդ կանչի, Գալուստ Սահակյան: Մի ժամանակ ուրախանում էինք իր բոցերով, օրինակ՝ «գողությունը գողանալ բառը չի»:
Բայց ինքը «դոբրի», հանգիստ, անշառ մարդ էր: Արուսյակ Ջուլհակյանին խորհուրդ կտանք չհամեմատվել Գալուստ Սահակյանի հետ: Իր օգտին չի լինի:
Հիմա որ ասում է այս շարժվող բաների մասին, այնպիսի խուժանական բաներ են մեր մտքով անցնում, հազիվ ենք մեզ զսպում: Ձեռքներս քոր է գալիս, որ գրենք, բայց... առանց էդ էլ գիտեք՝ ինչ ենք ուզում ասել:
Մի բան հաստատ գիտենք. մանդատ ունենալ դեռ չի նշանակում պատգամավոր լինել: