ԱՄՆ Սենատը միաձայն ընդունեց Հայոց ցեղասպանության ճանաչման բանաձևը։
Հիշեցնենք, որ Ներկայացուցիչների պալատը հոկտեմբերին ընդունել էր Ցեղասպանությունը ճանաչող բանաձևը՝ ձայների 405 կողմ, 11 դեմ հարաբերակցությամբ:
Բանաձևը պաշտոնապես մերժում է Թուրքիայի՝ հայերի, հույների, սիրիացիների, ասորիների և այլ քրիստոնյա ազգերի դեմ կատարած Ցեղասպանության նկատմամբ ժխտողականությունը:
Բանաձևի նախաձեռնությունը պատկանում է սենատորներ Ռոբերտ Մենենդեսին և Թեդ Քրուզին, որոնք չորրորդ անգամ էին այն ներկայացնում: