«Նիկոլի վարչապետությամբ գնալ ընտրությունների՝ ինքնասպանություն է». Էդուարդ Շարմազանով:
«ՉԻ». Այսպիսի խոստովանության համար ՀՀԿ խոսնակին պետք է պարգևատրել: Ի վերջո մարդն ասաց այն, ինչ բոլորն են մտածում, բայց չեն համարձակվում բարձրաձայնել:
Իսկապես, հանրապետականի համար գործող իշխանության պայմաններում ընտրությունների գնալն ինքնասպանություն է նշանակում: Այլ բառ գտնելը շատ դժվար է:
2018 թվականի ընտրությունների ձախողումը մի կերպ հիմնավորում էին հեղափոխական էյֆորիայով: Ինչպե՞ս են բացատրելու ներկա ձախողումը: Ասելու են, որ Նիկոլը պարտվեց պատերազմում, բայց անգամ այդ պայմաններում հանրությունը մեզ չվստահեց և ձայն չտվեց:
Եվ որպեսզի ինքնասպան չլինեն, հանրապետականները գտել են ապրելու նոր տարբերակ. իրենց պես մերժված ու հուսահատված մեկին՝ Վազգեն Մանուկյանին կարգել վարչապետ, որպեսզի հանկարծ ազատ և արդար ընտրություններ չկայանան ու չպարզվի, որ իրենք վաղուց քաղաքական դիակ են: