Երևանի ավագանիում «Լույս» դաշինքի անդամ Թեհմինա Վարդանյանի ելույթի ժամանակ քաղաքապետ Հայկ Մարությանը ծիծաղել է, ինչին ավագանու անդամը արձագանքել է. «Կանացի շորերով Ձեր նկարները նայեք»:
«ՉԻ». Այնպիսի տպավորություն է, որ Երևանի ավագանիում միայն իշխանություններն են փոխվել, իսկ ընդդիմությունը մնացել է նույն «Երկիր Ծիրանին»:
Համենայնդեպս, հետևելով «Լույս» դաշինքի շատ ներկայացուցիչների ելույթներին, մտքերին, վարք ու բարքին, որևէ տարբերություն չենք տեսնում նրանց և «Երկիր Ծիրանիի» կատակերգուների միջև:
Հայկ Մարությանը՝ որպես դերասան, ժամանակին խաղացել է և՛ կնոջ կերպար, և՛ ավազակի, և՛ սիրեկանի, հարբեցողի, կաշառակերի: Հիմա ինչ, քաղաքական դաշտում այդ ամենը ամեն առիթով պետք է հիշեցվի՞: «Լույս» դաշինքի անդամներն այդքան տկա՞ր են, որ այլ փաստարկներ ի վիճակի չեն ներկայացնել, քան Հայկ Մարությանի կերպարները: Ստացվում է, որ՝ այո: