Ազգային Անվտանգության խորհրդի քարտուղար Արմեն Գրիգորյանը հայտնել է, որ 2018թ. ապրիլ-մայիսյան իրադարձություններից հետո որոշել էր գրքի տեսքով վերապատմել հեղափոխության իր փորձառությունը։
«1.5 տարվա ընթացքում հիմնական ազատ ժամանակս տրամադրել եմ գրքի աշխատանքներին և վերջապես հասել եմ ավարտական փուլին։ Կարծում եմ հետաքրքիր աշխատանք է ստացվել, փորձել եմ նկարագրել նախահեղափոխական Հայաստանը, պատմել քաղաքական ու քաղաքացիական այն շարժումների մասին, որոնք ձևավորվեցին Սերժի վերարտադրության դեմ»:
«ՉԻ». Իբր հեղափոխությունը դորդուբեշ են արել, հիմա էլ հուշեր են գրում, փորձառությունն են պատմում:
Սկզբի համար ասենք, որ մինչև հեղափոխության մասին գրքեր գրելը լավ կլիներ, որ հեղափոխությունը ավարտին հասցնեիք, թե չէ կիսատ հեղափոխության մասին ինչ էլ գրեք, կիսատ-պռատ է լինելու:
Հեղափոխությունը միայն իշխանության փոփոխությունը չէ, դա նաև՝ մարդու և հասարակության դեմ գործող քաղաքական համակարգի փոփոխությունն է, դրա իսպառ արմատախիլ անելն ու վերացնելը, դրա վերադարձի ճանապարհները փակելն է: Արվե՞լ են դրանք: Ոչ: Բա ի՞նչ փորձով եք կիսվում: Նախկին իշխանություններն ու դատական համակարգը՝ սահմանադրական դատարանով հանդերձ, ձեր դեմ կատաղի պայքար են մղում, պատերազմին բնորոշ գործողություններ իրականացնում, դուք գիրք եք գրում:
Վատ չէր լինի, մի քիչ էլ լրջանալու մասին գրքեր կարդայիք: