ՀՀ Քննչական կոմիտեից Aravot.am-ին հայտնել են, որ «արցախցիներին օգնությունից զրկելու» վերաբերյալ Սուրենավանի ղեկավար Անի Վարդազարյանի կոչերի մասով քրեական վարույթ չի նախաձեռնվել՝ հիմքերի բացակայության պատճառով:
«ՉԻ». Ով էլ կասկածեր: Рафик ни в чем не виноват: Մարդուն օգնությունից զրկելու կոչը մարդու հանդեպ բռնություն կիրառելու կոչ է: Լրիվ համապատասխանում է քրեական օրենսգրքի 226.2 հոդվածին:
Ովքեր մոռացել են, հիշեցնենք, որ այս նույն հոդվածով էին քրգործ հարուցել պրոդյուսեր Արմեն Գրիգորյանի դեմ, որը մահացավ դատարանի դահլիճում:
Հոդվածը նույնն է, տարբերությունն էլ այն է, որ մեկը իշխանություն էր, մյուսը՝ ընդդիմություն:
Մի խոսքով, 226.2 հոդվածում պետք է լրացումներ կատարվեն, որ հասկանանք, թե դա ում է վերաբերում: