Արա Պապյան. Կենդանակերպի նշանը՝ Արա (թութակ)
Այս շաբաթը հագեցած կլինի արևմտյան տաք ցիկլոնային հոսանքներով:
Երկուշաբթի օրը կհայտարարեք, որ եթե վերջին խորհրդարանական ընտրությունները չկեղծվեին, ապա ԱԺԲ-ն 1 տոկոսի փոխարեն կհավաքեր 1,1 տոկոս:
Երեքշաբթի օրը Հայաստանում Կանադայի դեսպանատան առջև ծաղիկներ կխոնարհեք և հարգանքի տուրք կմատուցեք: Առանց որևէ առիթի:
Չորեքշաբթի օրը կհայտնեք, որ Թուրքիան մասնատելու համար պահանջվող 1 միլիոն դոլարից արդեն հավաքվել է 1745 դոլար, ինչը հազիվ կհերիքի Երևան-Մոնրեալ չվերթի տոմս գնելու համար:
Հինգշաբթի օրը կհռչակեք, որ Վուդրո Վիլսոնի շնորհիվ քար-թերզ եք բռնել:
Ուրբաթ օրը հարմար է որևէ ռեստորանում ապստամբություն սկսելու և հաշիվը բերելուց հետո դիրքային նահանջով հեռանալու համար:
Շաբաթ-կիրակի օրերին փորձեք վերջապես մտածել. ձեզ պակասում է աստղերի ՍԵՐԸ: