Իշխան Սաղաթելյան. Կենդանակերպի նշանը՝ Սիգ:
Աստեղային շաբաթ է սպասվում: Հայտնի ուժերը ձեզ կբերեն առաջին պլան:
Երկուշաբթի կհայտարարեք, որ իշխանությունները պատրաստվում են հանձնել Կարսը:
Երեքշաբթի կհայտարարեք, որ պետք է վերջ տալ կուսակցական խաղերին և կշեշտեք, որ միայն դաշնակցականներն ունեն կուսակցական գումարտակներ:
Չորեքշաբթի կպահանջեք, որ ձեզ հանձնեն երկրի օպերատիվ կառավարումը: Երեկոյան դեպրեսիա և տրամադրության անկում. զինկոմիսարիատ ներկայանալու պահանջով ծանուցագիր կստանաք:
Հինգշաբթի ծանր խոսակցություն Հրանտ Մարգարյանի հետ: Կպահանջեք, որ ձեզ էլ մասնակից դարձնի դաշնակցության ղեկավարման գործին և ի վերջո բացատրի, թե ինչ են ցանկանում հայտնի ուժերը:
Ուրբաթ տխուր լուր կստանաք: Կպարզվի, որ ձեր ազգանունը չկա Փարիզ մեկնող դաշնակցականների ցուցակում:
Շաբաթ և կիրակի անցկացրեք գրասենյակում: Կարող է պետք լինի, որ հրատապ ինչ-որ բան պահանջեք: Հիմա ձեր գործն էլ այդպիսին է՝ ամբողջ օրը ցեխ ու ջրի մեջ: