Էկոնոմիկայի նախարար Գևորգ Պապոյանը լրագրողների հետ զրույցում հայտարարել է. «Նախկին նախագահները հանձնել են ԼՂ-ն, որ այստեղ 100 հազար և ավելի ցուցարար ունենան իշխանազավթման համար»:
«ՉԻ». Հաստատ: Այդ տրամաբանությամբ այս իշխանություններն էլ Ղարաբաղյան պատերազմում պարտվել են, որ Լաչինի միջանցքը տան Ադրբեջանին, որ նախկին նախարարները չկարողանան այնտեղից ցուցարար բերել:
Ու նախկինները, տեսնելով, որ չեն կարողանում ցուցարար բերել, իշխանություն զավթել, հանձնել են Արցախը:
Այս իշխանությունները հիմա լեզվի տակ ոսկոր չունեն, ինչ ուզեն, կասեն, ցանկացած զառանցանք, որովհետև իշխանություն են:
Այնքան հետաքրքիր է, թե ինչ են ասելու և իրենց ասածների տակից ոնց են դուրս գալու, երբ դադարեն իշխանություն լինել: