ԱԺ արտաքին հարաբերությունների մշտական հանձնաժողովի նախագահ, ՔՊ-ական պատգամավոր Սարգիս Խանդանյանը, անդրադառնալով Երասխում ընթացող կրակոցներին, ասել է. «Խաղաղությունն է, որ կարող է զսպել այս ագրեսիան։ Մեր պահանջը միջազգային հանրությունից նաև դա է, որ զսպեն Ադրբեջանին»:
«ՉԻ». Օրինակ՝ 1990-ականների իշխանությունները շատ միամիտ ու ինչ-որ տեղ էլ մանկամիտ էին: Հակառակորդի ագրեսիան զսպելու համար փոխանակ դիմեին միջազգային հանրությանը, բռնում, կանոնավոր բանակ էին ստեղծում, կամավորական ջոկատներ ձևավորում: Թիթիզլամիշ էին լինում:
Իսկ հիմա, նայեք՝ ոնց են արձագանքում հակառակորդի ագրեսիվ գործողություններին: Այնտեղ ադրբեջանցիները կրակում են, իսկ այստեղ խաղաղությամբ են զսպում: Լրիվ քրիստոնեաբար:
Առաջնորդվում են հետևյալ պատվիրանով. եթե մի սահմանագծում քո վրա կրակում են, մյուս սահմանագիծն էլ դեմ տուր, որ կրակեն:
Էն միջազգային հանրությունն էլ ուշանում է, երևի հագնվում է, տնից դուրս գա: