18.08.2021   15:15
385

Էս էլ ու պրծ


««Ժողովուրդ» օրաթերթը հայտնել է, որ խորհրդարանում լրագրողների հավատարմագրման կարգը փոխվելու է: Ըստ այդմ փոփոխությունները հեղինակել են երկու պատգամավորներ՝ նախկին լրագրող Սիսակ Գաբրիելյանը և Հրաչյա Հակոբյանը։ Քննարկվում է, թե որ լրագրողները կկարողանան մուտք գործել խորհրդարան, ում պետք է զրկել հավատարմագրումից, կամ ինչպիսի հավատարմագրման կարգ պետք է լինի ընդհանրապես:

Նշվում է, որ իշխանության ներկայացուցիչներն ամեն գնով փորձում են խստացնել խորհրդարան մտնելու կարգը՝ որոշակի չափանիշներ դնելով՝ թերթերի դեպքում՝ տպաքանակ, կայքերի դեպքում՝ դիտումներ»:

«ՉԻ». Իրականում այդ չափանիշները վաղուց են գործում. անհրաժեշտության դեպքում, եթե ԱԺ աշխատակազմը պահանջում է, լրատվամիջոցները ներկայացնում են իրենց թերթի տպաքանակը կամ կայքի դիտումները: 

Այնպես որ, հաշվի առնելով, որ այս խորհրդարանն արդեն հասցրել է լրատվամիջոցների և լրագրողների գործունեությունը սահմանափակող մի շարք քայլեր իրականացնել, բացառված չէ, որ դա քիչ են համարել, ու հիմա սահմանափակումների գոտին ավելի սեղմեն: Օրինակ՝ թույլ տան այն թերթերի լրագրողների մուտքը խորհրդարան, որոնց օրական տպաքանակը առնվազն 20 հազար է: Իսկ այդպիսիք չկան: Կամ՝ կայքի օրական դիտումը 200 հազար է: Իսկ այդպիսիք մի երկու հատ են, քարը պայթի:

Թեպետ չենք հասկանում, թե ինչի համար են ընդհանրապես սահմանափակումները: Ավելի ճիշտ չի՞ լինի, եթե լրատվամիջոցների մուտքը խորհրդարանի շենքի տարածք արգելվի, պրծնենք, գնա: Հանգիստ, առանց լրագրողների կողմից նվաստացուցիչ հետապնդման, պատգամավորներն ինչ ուզեն, անեն. իրար կբոքսեն, կհայհոյեն, կբարիշեն, ինչ կանեն, իրենք կիմանան: 

Հ.Գ. Մինչ այս տողերը գրեցինք, խորհրդարանում քննարկվեց Ալեն Սիմոնյանի և պատգամավոր Սիսակ Գաբրիելյանի հեղինակած ՀՀ Ազգային ժողովի խորհրդի 2017 թվականի դեկտեմբերի 27-ի՝ «Հայաստանի Հանրապետության Ազգային ժողովում լրագրողների հավատարմագրման կարգը հաստատելու մասին» թիվ 044-Լ որոշմամբ հաստատված հավելվածում փոփոխություններ և լրացումներ կատարելու մասին» ԱԺ որոշման նախագիծը և, բնականաբար, ընդունվեց:

Փոփոխությունների արդյունքում լրագրողներն իրենց մասնագիտական գործունեությունը կիրականացնեն Ազգային ժողովի նստավայրում առանձնացված հատուկ տեղերում՝ նիստերի դահլիճի դիմաց գտնվող սրահում, օթյակում և Ազգային ժողովի այգում: 

Պատկերացնում եք, չէ՞. լրագրողները Ազգային Ժողովի նիստերը պետք է լուսաբանեն այգում: Դրա համար ենք ասում, միանգամից լրագրողներին փողոց շպրտեք, բոլորը հարցերը լուծվեն:
 



 Պիտակներ

         ԱԺ, Սիսակ Գաբրիելյան, լրատվամիջոցներ, Հրաչյա Հակոբյան

››› Չարենց. Դաշնակցականներին (Ներբող քաղաքական)
››› Սա քո պատերազմն էր, Նիկո՛լ
››› Ոչ ոք չի թաքցրել տարածքներ զիջելու փաստը
››› Քայլ արեք, իրար կերեք
››› Արմեն Շեկոյան. Միջնորդը
››› «Չորրորդ իշխանություն» թերթի և 4rd.am կայքի ՀԱՅՏԱՐԱՐՈՒԹՅՈՒՆԸ
››› Ո՞ւմ ձեռնտու չէ 200 միլիոն դոլարի ներդրումը
››› Երևանի ժառանգության պաշտպանության կոմիտեի հայտարարությունը
››› Իշխելու թշվառությունն ու փառքի արվեստը
››› Անասնաֆերմա՝ Նարեկ Սարգսյանից Նիկոլ Փաշինյանին... Տիգրան Ավինյանին էլ
››› Մերժվածների ջղակծկումների և վարչապետի ձախողումների արանքում
››› Ո՞վ է եղել իրական դավաճանը
››› Երբ թիրախավորվում է լռությունը
››› Ինչո՞ւ են զինվորները զոհվում Ղարաբաղում և ինչո՞ւ են բոլոր զոհերը հայաստանցի
››› Մշակութային հեղափոխություն չի լինելու
››› Ատելության խոսքը, ամբոխահաճությունը և տրամաբանությունը
››› Տաշիրյան սարդոստայն
››› Գործող Սահմանադրությունը կարող է ոչնչացնել հեղափոխությունը
››› Առաջիկա երկու-երեք ամիսները վճռորոշ են լինելու
››› ԱԱԾ-ն պետք է կանխի Քոչարյանի գայթակղությունները
››› Նիկոլն ընդդեմ Նիկոլի
››› Այսպես է լինում, երբ վեթթինգի փոխարեն հավատում են դատախազի ազնիվ խոսքին
››› Սրանց գործը փախնողներին «հաջող» անելն է
››› Արսեն Թորոսյանն ու Ալեն Սիմոնյանը՝ 1-9 հաշվով պարտության գլխավոր մեղավորներ
››› Ակորդեոնիստը որոշել է նստել «սուխոյ ատկազով»
››› ՀՀԿ-ի անհաջող գրագողությունը
››› Տանը վեր ընկնելու ժամանակները
››› Անցյալի պատանդները

Ամսվա ամենաընթերցվածները


















Էս չե՞ք դուք
Էս չե՞ք դուք
06.09.2021 / 1279