Չորեքշաբթի 30.09.2020 13:40

Սատիրիկոն/Լուր-մեկնաբանություն
30.09.2020 / 12:30
Սատիրիկոն/Լուր-մեկնաբանություն
30.09.2020 / 11:30
Սատիրիկոն/Լուր-մեկնաբանություն
29.09.2020 / 20:30
07.08.2020   16:00
778

Համակարգային փոփոխություննե՞ր, թե՞ կադրային ջարդ


2020 թվականի փետրվարի 1-ին Բժշկասոցիալական փորձաքննության գործակալության տարբեր մարզերում գործող հանձնաժողովների շուրջ 50 աշխատակիցներ առանց հիմնավորման ազատվեցին աշխատանքից: Նրանցից 14-ը դիմեցին դատարան, 6-ը վերականգնվեցին աշխատանքում, սակայն մյուս աշխատակիցների հարցով դեռ որոշում չի կայացվել: 

«ՉԻ» խմբագրություն ահազանգած աշխատակիցները դժգոհելու շատ պատճառներ ունեին. մարզերում դժվար է աշխատանք գտնելը, իրենցից շատերը ընտանիքի միակ կերակրողն են, մինչդեռ գործազուրկ դառնալով՝ համալրել են սոցիալապես անապահով մարդկանց շարքերը: Արագածոտնի ԲՍՓՀ-ի Աշտարակի տարածաշրջանի բուժվիճակագիր Անուշ Գալստյանը «ՉԻ» հետ զրույցում նշեց, որ Աշխատանքի և սոցիալական հարցերի այն ժամանակվա փոխնախարար Գեմասիմ Գասպարյանի հավանությամբ և Բժշկասոցիալափորձագիտական հանձնաժողովի գործակալության համակարգող Իզաբելա Մուրադյանի թեթև ձեռքով ինչ-որ վայ-նորարարության արդյունքում գործակալության շուրջ 50 աշխատակից զրկվեցին աշխատանքից միայն այն բանի համար, որ աշխատանքի էին ընդունվել նախկին կառավարության օրոք: Գալստյանի դիտարկմամբ՝ «գործի մեջ առկա է «սևեր և սպիտակներ» օպերացիան»: Իսկ Լոռու մարզի ԲՍՓՀ-ի Վանաձորի տարածաշրջանի բուժվիճակագրի խոսքով՝ գործակալությունում հաշվի չեն առել անգամ այն հանգամանքը, որ ինքը երկարատև բուժում է անցնում Ուռուցքաբանության ինստիտուտում, գտնվում է անաշխատունակության արձակուրդում, և հեռացրել են աշխատանքից: Աշխատակիցներին վրդովեցրել է նաև անհավասար, ընտրողական արդարադատությունը. եթե դատարանը վերականգնել է գործընկերներից մի քանիսին, և արդարությունը հաղթանակել է, ապա ինչու մնացած աշխատակիցներին հանուն արդարության չեն վերականգնում իրենց աշխատանքում: 

Անուշ Գալստյանի հավաստմամբ՝ առողջական խնդիրների պատճառով ինքը չի հասցրել երկամսյա ժամկետում դիմել դատարան: Որոշ աշխատակիցներ էլ չեն հավատացել, որ դատարանը չեղյալ կհամարի նախարարի հրամանը և կվերականգնի իրենց նույն աշխատանքում, այդ պատճառով ուշացրել են դիմում-հայտ ներկայացնել դատարան: 

«Ղեկավարությունը մեզ ապակողմնորոշեց: Ասացին՝ նորից ռեզյումե ներկայացրեք, մենք կկանչենք ձեզ: Սակայն արդյո՞ք այսպիսով պիտի սպառվեն խախտված իրավունքների վերականգնման բոլոր հնարավորությունները... Մենք դիմել ենք ԱԺ «Լուսավոր Հայաստան» խմբակցության պատգամավոր Սրբուհի Գրիգորյանին, և նա խնդիրը բարձրաձայնել է խորհրդարանի ամբիոնից: Աշխատանքի և սոցիալական հարցերի նախարար Զարուհի Բաթոյանը պարզաբանում տալու փոխարեն  ի պատասխան հայտարարեց, թե ընդամենը համակարգային փոփոխություններ են կատարել: Սրբուհի Գրիգորյանը մեր բողոք-նամակով դիմել է նաև Մարդու իրավունքների պաշտպան Արման Թաթոյանին: Վերջինս ապրիլի 30-ին գրությամբ տեղեկացրել է, որ նամակը քննության է առնվել, և արդյունքների մասին կտեղեկացնեն: Ապրիլի 30-ից անցել է ավելի քան երեք ամիս, բայց գործազրկության դատապարտված աշխատակիցներս առայժմ որևէ պատասխան չենք ստացել»,- ասում է ԲՍՓՀ գործակալության նախկին աշխատակիցը:

Գործազուրկ դարձած աշխատակիցները պատրաստվում են կառավարության շենքի մոտ բողոքի ակցիա կազմակերպել: Նրանք պնդում են, որ հեշտությամբ չեն հանձնվի և իրենց բողոքը հասանելի կդարձնեն նաև վարչապետ Նիկոլ Փաշինյանին:
 
«Մենք մեր երկրի քաղաքացիներն ենք և վճռական ենք տրամադրված, որ մեր իրավունքը ոտնահարող չինովնիկները պատասխան տան: Թույլ չենք տա, որ ոմանց կամայական գործողությունների արդյունքում ստվերվի արդարադատությունը»:  

Հ.Գ.Մենք փորձեցինք խնդրի առնչությամբ մեկնաբանություն ստանալ ՄԻՊ գրասենյակի մամուլի պատասխանատու Նունե Հովսեփյանից: Ի պատասխան, նա նշեց. «Գործն ընթացքի մեջ է, բայց մանրամասներ փոխանցել չենք կարող»: 

Տևական ժամանակ  անհասանելի են Աշխատանքի և սոցիալական հարցերի մամուլի խոսնակ Սոնա Մարտիրոսյանի և ՓՍԲ գործակալության պետի ժամանակավոր պաշտոնակատար Նունե Մկրտչյանի հեռախոսները:

Մելանյա Ծառուկյան



Հարգելի ընթերցողներ, այստեղ դուք կարող եք տեղադրել ձեր կարծիքը տվյալ նյութի վերաբերյալ` օգտագործելով Facebook-ի ձեր account-ը: Խնդրում ենք լինել կոռեկտ և հետևել մեր պարզ կանոներին. արգելվում է տեղադրել թեմային չվերաբերող մեկնաբանություններ, գովազդային նյութեր, վիրավորանքներ և հայհոյանքներ: Խմբագրությունն իրավունք է վերապահում ջնջել մեկնաբանությունները` նշված կանոնները խախտելու դեպքում:
 Պիտակներ

         Արման Թաթոյան, Մելանյա Ծառուկյան, Սրբուհի Գրիգորյան, Անուշ Գալստյան


››› «Չորրորդ իշխանություն» թերթի և 4rd.am կայքի ՀԱՅՏԱՐԱՐՈՒԹՅՈՒՆԸ
››› Ո՞ւմ ձեռնտու չէ 200 միլիոն դոլարի ներդրումը
››› Երևանի ժառանգության պաշտպանության կոմիտեի հայտարարությունը
››› Իշխելու թշվառությունն ու փառքի արվեստը
››› Անասնաֆերմա՝ Նարեկ Սարգսյանից Նիկոլ Փաշինյանին... Տիգրան Ավինյանին էլ
››› Մերժվածների ջղակծկումների և վարչապետի ձախողումների արանքում
››› Ո՞վ է եղել իրական դավաճանը
››› Երբ թիրախավորվում է լռությունը
››› Ինչո՞ւ են զինվորները զոհվում Ղարաբաղում և ինչո՞ւ են բոլոր զոհերը հայաստանցի
››› Մշակութային հեղափոխություն չի լինելու
››› Ատելության խոսքը, ամբոխահաճությունը և տրամաբանությունը
››› Տաշիրյան սարդոստայն
››› Գործող Սահմանադրությունը կարող է ոչնչացնել հեղափոխությունը
››› Առաջիկա երկու-երեք ամիսները վճռորոշ են լինելու
››› ԱԱԾ-ն պետք է կանխի Քոչարյանի գայթակղությունները
››› Նիկոլն ընդդեմ Նիկոլի
››› Այսպես է լինում, երբ վեթթինգի փոխարեն հավատում են դատախազի ազնիվ խոսքին
››› Սրանց գործը փախնողներին «հաջող» անելն է
››› Արսեն Թորոսյանն ու Ալեն Սիմոնյանը՝ 1-9 հաշվով պարտության գլխավոր մեղավորներ
››› Ակորդեոնիստը որոշել է նստել «սուխոյ ատկազով»
››› ՀՀԿ-ի անհաջող գրագողությունը
››› Տանը վեր ընկնելու ժամանակները
››› Անցյալի պատանդները

Ամենաընթերցված

















Մալադե´ց, աներ
Մալադե´ց, աներ
11.09.2020 / 1528





















Վազիր դատարան
Վազիր դատարան
23.09.2020 / 912