Երկուշաբթի 28.09.2020 18:18

Սատիրիկոն/Լուր-մեկնաբանություն
28.09.2020 / 17:30
Սատիրիկոն/Լուր-մեկնաբանություն
28.09.2020 / 16:00
Սատիրիկոն/Լուր-մեկնաբանություն
28.09.2020 / 14:30
Քաղաքական
28.09.2020 / 13:00
19.08.2020   15:15
281

«Համավարակը հետաձգեց իմ ծրագրերը, բայց ոչ՝ նպատակները». Արթուր Ալեքսանյան


Հունահռոմեական ոճի ըմբիշ, Աշխարհի եռակի, Եվրոպայի հնգակի, Եվրոպական և Օլիմպիական խաղերի բազմակի չեմպիոն Արթուր Ալեքսանյանը անկախ Հայաստանի ամենաշատ հաղթանակների արժանացած մարզիկներից է:

Արթուրը ըմբշամարտում իր առաջին քայլերը սկսել է ութ տարեկան հասակում հոր՝ Հայաստանի վաստակավոր մարզիչ Գևորգ Ալեքսանյանի գլխավորությամբ: Գյումրիի այն մարզադպրոցը, որտեղ մարզվել է չեմպիոնը, ի պատիվ Արթուրի արդեն իսկ անվանակոչել են նրա անունով:

«ՉԻ»-ն Արթուր Ալեքսանյանի հետ զրուցել է իր ընտրած մարզաձևի, անցած ճանապարհի, համավարակի պայմաններում սահմանափակումների ու ի հայտ եկած դժվարությունների մասին:

- Արթուր, դեռ մեկ տարի առաջ ոգևորությամբ էիր սպասում ամառային 32-րդ օլիմպիական խաղերին՝ Տոկիո 2020-ին: Մարտ ամսին այդ խաղերը համավարակի պատճառով հետաձգվեցին մեկ տարով: Այդ հետաձգումը ինչպես է անդրադարձել քո մարզական վիճակի վրա: Այս մասին քո դիտարկումներն ինչպիսի՞ն են: Այդ հանգամանքը որոշակի հոգեկան տրամադրվածության պատճառ կարո՞ղ է դառնալ:

- Ճիշտն ասած, Տոկիոյի օլիմպիական խաղերին նախապատրաստվելու այդ ժամանակահատվածում ես լավ մարզավիճակում էի: Մինչ այդ մասնակցել էի Եվրոպայի առաջնությանը, մեծ առավելությամբ հաղթանակ էի տարել և բարձր տրամադրությամբ վերադառնալով Հայաստան՝ պատրաստվում էի Տոկիոյի օլիմպիական խաղերին:

Սակայն համավարակը հետաձգեց իմ բոլոր ծրագրերը: Ճիշտ է, մի փոքր հիասթափություն եղավ, քանի որ մի քանի ամիս էր մնացել օլիմպիական խաղերին, և ես էլ ֆիզիկական պատրաստվածությունից բացի, նաև հոգեբանորեն էի նախապատրաստվել, բայց դա մի պահ էր միայն: Հիմա կրկին լավ մարզավիճակում եմ բոլոր առումներով: Ոչինչ չի փոխվել, բնականոն կերպով շարունակում եմ մարզումներս: Ծրագրերի հետաձգումից նպատակներս չեն փոխվել:

- Կազմակերպիչները չեն բացառում, որ խաղերը կարող են անցկացվել առանց հանդիսականների: Ի՞նչ կասեիր այս մասին:

- Ճիշտն ասած այդ լուրերը դեռ խոսակցությունների մակարդակի են: Կարծում եմ՝ դեռ հստակ որոշված չէ, թե ինչ ձևաչափով պետք է անցկացվեն խաղերը, բայց նորություն ասած չեմ լինի, եթե ասեմ, որ հանդիսականների ու երկրպագուների ներկայությամբ ընթացող առաջնությունները բոլորովին ուրիշ են: Երկրպագուների և հանդիսականների ներկայությունը բոլորովին ուրիշ զգացողություն է հաղորդում:

- Քովիդ 19-ի պայմաններում ինչպե՞ս է փոխվել քո առօրյան: Ինչպե՞ս ես վերաբերվում սահմանափակումներին և ինչպե՞ս ես պատկերացնում ըմբշամարտի ապագան քովիդից հետո:

- Այս օրերին փոխվել է ինչպես բոլորի, այնպես էլ մյուս մարզիկների ու նաև իմ առօրյան: Սահմանափակումներով պայմանավորված՝ բավական շատ աշխատանքներ հետաձգվել են, քանի որ հետաձգվել է առաջնությունների անցկացումը: Ծաղկաձորի մարզական համալիրում օրերս տեղի ունեցավ առաջին հավաքը, որտեղ մարզիկները հնարավորություն ունեցան բավական ակտիվ մարզվել: Հիմնական շեշտադրումը գորգային աշխատանքների վրա էր, և կարծում եմ, որ բավականին արդյունավետ էր: Հավաքի հիմնական նպատակը մարզիկների ֆիզիկական պատրաստվածությունը բարելավելն էր: Ինչ վերաբերում է արտակարգ իրավիճակով պայմանավորված սահմանափակումներին, ապա պետք է ասեմ, որ չնայած դրանք որոշ չափով «ռիթմից գցել» են մարզիկներին, բայց ըմբշամարտը սպորտաձև է, որն անկախ ցանկացած մարտահրավերից միշտ եղել է, կա ու կմնա իբրև դյուցազնական մարզաձև:

- Արթուր, ավելի լավատե՞ս ես, թե՞ հոռետես, ինչպիսի՞ բնավորություն ունես: Քեզ կարելի՞ Է համարել հավասարակշռված անձնավորություն:

- Ինձ բոլոր ճանաչողները գիտեն. ես երբևէ չեմ մտածում, որ հաղթանակները, որոնք արձանագրվել են իմ մրցապայքարի արդյունքում, միայն իմն են: Ես այդ հաղթանակները համարում եմ իմ հայրենիքինը, իմ երկրինը, որոնք ձեռք եմ բերել թիմային աշխատանքի ու հրաշալի մարզիչների աշխատանքի շնորհիվ: Իսկ ընդհանուր առմամբ, անուղղելի լավատես եմ, հավատում եմ, որ վաղը ավելի լավն է լինելու, քան այսօրը, հավատում եմ, որ ցանկացած դժվարություն կարելի է հաղթահարել, եթե կողքիդ ունես պրոֆեսիոնալ ու սրտացավ մարդիկ:

- Հայրդ՝ Գևորգ Ալեքսանյանը, քո ուսուցիչն է մարտարվեստում: Եթե որդի ունենաս, կցանկանա՞ս, որ որդիդ էլ ընտրի քո ճանապարհը: Կցանկանա՞ս լինել նրա մարզիչը:

- Եթե որդի ունենամ, իհարկե կցանկանամ, որ ինքն էլ ընտրի իմ մարզաձևը՝ հունահռոմեական ըմբշամարտը: Սակայն ես կդառնամ նրա ուսուցիչը միայն այն պարագայում, երբ ինքը ցանկություն ունենա զբաղվել ըմբշամարտով: Միայն այդ դեպքում: Մարդը պետք է սիրի սպորտը, որպեսզի լավ սպորտսմեն դառնա, խորհուրդներով ու ստիպելով սպորտսմեն չեն դառնում: Մարդն ինքը պետք է ձգտում ունենա, և ես դա իմ օրինակով կարող եմ հաստատել: Հայրս ինձ ընդամենը հարցրել է՝ ուզո՞ւմ ես սպորտսմեն դառնալ և եթե ուզում ես, ո՞ր մարզաձևն ես նախընտրում: Ցանկացած գործ արդյունավետ է, եթե այն անում ես սիրով: Ասեմ նաև, որ անգնահատելի է հորս դերն իմ հաղթանակների մեջ, այն ճանապարհի մեջ, որը ես հաղթահարել եմ նրա շնորհիվ: Ես ուրախ եմ, որ նրա ջանքերն իզուր չեն անցել, և արդեն 20 տարի զբաղվում եմ իմ նախընտրած ու սիրած սպորտաձևով:

- Արթուր, Ի՞նչ զգացողություններ ես ունենում ամեն անգամ, երբ տարածդ հաղթանակն ստիպում է միջազգային հարթակներում բարձրացնել հայկական դրոշը և հնչեցնել Հայաստանի օրհներգը:

- Բառերով անհնար է նկարագրել զգացողությունները, որ ունենում եմ այդ պահին: Անհնար է նկարագրել այն հպարտությունը, որ անցնում է քո երակներով, տիրապետում քո ամբողջ էությանը, երբ տեսնում ես՝ մի ամբողջ դահլիճ ոտքի կանգնած ծափողջյուններով նշում է քո հաղթանակը, բարձր պահելով երկրիդ պատիվը: Բայց կուզեմ, որ յուրաքանչյուր մարզիկ իր կյանքում գոնե մեկ անգամ ապրի այդ զգացողությունները։

- Ո՞ր գոտեմարտերն են Արթուրի համար ամենաբարդը, որո՞նք կցանկանայիր առանձնացնել:

- Չեմ կարող առանձնացնել որևէ մրցաշար կամ գոտեմարտ, որն առանձնահատուկ կարևորում եմ: Ճիշտ է, սպորտում ընդունված է համարել, որ առանձնահատուկ են օլիմպիական խաղերը, բայց միանշանակ պնդել, թե մյուսները կարևոր չեն, ճիշտ չէ, քանի որ ամեն մի մրցաշար իր դերն ու խորհուրդն ունի:

- Ունե՞ս անձնական նորություններ, որի մասին կուզենայիր բարձրաձայնել:

- Ինչպես տեսնում եք, ոչ մի անձնական նորություն չունեմ, ամբողջ օրը զբաղված եմ մարզումներով: Եթե ունենայի, ապա անպայման կիմանայիք:

- Ի՞նչ ծրագրեր, նպատակներ ունես, որ կցանկանայիր՝ իրագործվեին:

- Ինձ հիմա հաճախ են հարցնում, թե ինչն է ինձ մոտիվացնում: Այդ հարցին միանշանակ մեկ պատասխան ունեմ: Ես հասել եմ իմ բոլոր նպատակներին: Իրականություն են դարձել այն բոլոր ծրագրերը, որ դրել էի իմ առջև, բայց այդուհանդերձ այդ հանգամանքը ինձ հետ չի պահում և չի փոխում ցանկությունս՝ նոր հաղթանակներ գրանցել՝ իմ երկրի, իմ հայրենիքի պատիվը արժանապատվորեն բարձր պահելով:

Մելանյա Ծառուկյան



Հարգելի ընթերցողներ, այստեղ դուք կարող եք տեղադրել ձեր կարծիքը տվյալ նյութի վերաբերյալ` օգտագործելով Facebook-ի ձեր account-ը: Խնդրում ենք լինել կոռեկտ և հետևել մեր պարզ կանոներին. արգելվում է տեղադրել թեմային չվերաբերող մեկնաբանություններ, գովազդային նյութեր, վիրավորանքներ և հայհոյանքներ: Խմբագրությունն իրավունք է վերապահում ջնջել մեկնաբանությունները` նշված կանոնները խախտելու դեպքում:
 Պիտակներ

         Արթուր Ալեքսանյան, Մելանյա Ծառուկյան


››› «Չորրորդ իշխանություն» թերթի և 4rd.am կայքի ՀԱՅՏԱՐԱՐՈՒԹՅՈՒՆԸ
››› Ո՞ւմ ձեռնտու չէ 200 միլիոն դոլարի ներդրումը
››› Երևանի ժառանգության պաշտպանության կոմիտեի հայտարարությունը
››› Իշխելու թշվառությունն ու փառքի արվեստը
››› Անասնաֆերմա՝ Նարեկ Սարգսյանից Նիկոլ Փաշինյանին... Տիգրան Ավինյանին էլ
››› Մերժվածների ջղակծկումների և վարչապետի ձախողումների արանքում
››› Ո՞վ է եղել իրական դավաճանը
››› Երբ թիրախավորվում է լռությունը
››› Ինչո՞ւ են զինվորները զոհվում Ղարաբաղում և ինչո՞ւ են բոլոր զոհերը հայաստանցի
››› Մշակութային հեղափոխություն չի լինելու
››› Ատելության խոսքը, ամբոխահաճությունը և տրամաբանությունը
››› Տաշիրյան սարդոստայն
››› Գործող Սահմանադրությունը կարող է ոչնչացնել հեղափոխությունը
››› Առաջիկա երկու-երեք ամիսները վճռորոշ են լինելու
››› ԱԱԾ-ն պետք է կանխի Քոչարյանի գայթակղությունները
››› Նիկոլն ընդդեմ Նիկոլի
››› Այսպես է լինում, երբ վեթթինգի փոխարեն հավատում են դատախազի ազնիվ խոսքին
››› Սրանց գործը փախնողներին «հաջող» անելն է
››› Արսեն Թորոսյանն ու Ալեն Սիմոնյանը՝ 1-9 հաշվով պարտության գլխավոր մեղավորներ
››› Ակորդեոնիստը որոշել է նստել «սուխոյ ատկազով»
››› ՀՀԿ-ի անհաջող գրագողությունը
››› Տանը վեր ընկնելու ժամանակները
››› Անցյալի պատանդները

Ամենաընթերցված
















Մալադե´ց, աներ
Մալադե´ց, աներ
11.09.2020 / 1525






















Վազիր դատարան
Վազիր դատարան
23.09.2020 / 876