Այսօր Ադրբեջանի նախագահ Իլհամ Ալիևը ԱՊՀ երկրների ղեկավարների նիստին հայտարարել է, թե մտադիր չէ միջամտել ՀՀ ներքաղաքական վիճակին, բայց «ջախջախված բանակը ոչ թե Փաշինյանի բանակն է, այլ Ռոբերտ Քոչարյանի ու Սերժ Սարգսյանի ստեղծածը, քանի որ Փաշինյանը բանակ կառուցելու ժամանակ չի ունեցել»։
«ՉԻ». Օրերս էինք գրել, որ Ալիևը նույնպես ներգրավված է Փաշինյանին իշխանությունից հեռացնելու գործընթացում: Տպավորություն է, որ ընդդիմությունն ու Ալիևը «պասերով» են գործում՝ փոխհամաձայնեցված:
Ալիևի հռետորաբանությունն ապշեցուցիչ է. վերջին օրերին զբաղված է բացառապես Ռոբերտ Քոչարյանի և Սերժ Սարգսյանի փառաբանմամբ: Հա, բանակը այս երկուսն են ստեղծել: Չեն եղել Հայաստանի առաջին իշխանություններ, չեն եղել խորհրդահայ գեներալներ, որոնք ԽՍՀՄ-ի փլուզումից հետո եկան Հայաստան և հայկական ինքնուրույն բանակի ձևավորմանը մասնակցեցին: Եղել են միայն Ռոբերտ Քոչարյանն ու Սերժ Սարգսյանը: Ու այդ ապիկար Նիկոլը վարի տվեց այս երկուսի ստեղծած բանակը:
Այս տեմպերով որ շարունակվի, շուտով Ալիևը կհայտարարի, որ ահավոր վախենում է Քոչարյան-Սարգսյան զույգից և պատրաստ է մի երկու շրջան վերադարձնել, միայն թե նրանք իշխանության չգան: Մի ծիծաղեք, մեկ էլ տեսար ու ասաց:
Հ.Գ. Բայց Ալիևը, այնուամենայնիվ, մի բան ճիշտ է ասում. նա հաղթել է Քոչարյանի ու Սարգսյանի պահած բանակին: Տեր-Պետրոսյանի ստեղծած ու պահած բանակը հաղթել է Ադրբեջանին: