Հինգշաբթի 02.04.2020 00:00

Սատիրիկոն
01.04.2020 / 21:30
Լուր-մեկնաբանություն
01.04.2020 / 21:00
Սատիրիկոն
01.04.2020 / 20:30
Լուր-մեկնաբանություն
01.04.2020 / 19:00
Լուր-մեկնաբանություն
01.04.2020 / 17:30
04.10.2019   09:00
1425

Պուտինի ինչին է պետք Քոչարյանը


Արդեն մեկ տարուց ավել է, ինչ մեզ փորձում են համոզել, թե ՌԴ նախագահ Պուտինը և ամբաստանյալ Քոչարյանն ընկերներ են և դրանով է պայմանավորված այն որոշակի բարոյական աջակցությունը, որը ցուցաբերվում է Քոչարյանին: Մինչդեռ վաղուցվանից հայտնի է, որ քաղաքականության մեջ չկան ընկերական հարաբերություններ, իսկ գեոպոլիտիկ հարաբերություններում դրանք իսպառ բացառվում են:

Բռնակալը, իսկ Ռուսաստանը բռնակալական երկիր է, չի կարող ունենալ ընկերներ: Դա խորթ և վտանգավոր է նրա բնությանը: Անգամ Ռուսաստանի վարչապետ Մեդվեդևը իրեն չի կարող համարել Պուտինի ընկերը: Նա Պուտինի մերձավոր շրջապատից է, ծառայում է Պուտինին և կմնա այդ շրջապատում, քանի դա պետք է Պուտինին: Այն օրը, երբ կվերանա դրա անհրաժեշտությունը կամ կստեղծվի իրավիճակ, որ Մեդվեդևին զոհաբերելով՝ Պուտինը ժամանակ կշահի կամ կունենա դիվիդենտներ, Մեդվեդևն անփառունակ կերպով կլքի Պուտինի շրջապատը: 

Ռուսաստանի կողմից Հայաստանի նկատմամբ վերջին մեկուկես տարվա որոշակի ճնշումները պայմանավորված չեն Պուտին-Քոչարյան ընկերական կապով:

Ճնշումները, մեր համոզմամբ, կազմված են երկու հիմնական բաղադրիչից:

Առաջին. Ռուսաստանը ձգտում է Ադրբեջանին մտցնել ՀԱՊԿ և ԵԱՏՄ: Հայաստանը, որպես այդ կազմակերպությունների լիիրավ անդամ, պետք է ստորագրի և համաձայնվի Ադրբեջանի այդ կազմակերպություններին անդամակցելու հետ: Դրա դիմաց Ադրբեջանը Ռուսաստանից պահանջում է ճնշում Հայաստանի վրա Արցախի հարցում: 

Ռուսաստանը ցանկանալով հանդերձ Ադրբեջանի իր օրբիտայում ներգրավվելը, չի ցանկանում այդ երկրին դարձնել տարածաշրջանային հեգեմոն՝ հասկանալով, որ դա բարդություններ է ստեղծելու հետագայում հենց իր համար: Ռուսաստանը պատրաստ է Ադրբեջանին ներգրավելու դիմաց տալ մի քանի ազատագրված տարածք: Ադրբեջանն, իր հերթին, չի ցանկանում բավարարվել քչով: Եվ տորգը շարունակվում է: Եվ ահա, այդ ֆոնին, Հայաստանի վարչապետը հայտարարում է, որ Արցախը Հայաստան է և վերջ: Դրանով հստակ ֆիքսվում է, որ միակողմանի զիջումներով մենք պատրաստ չենք սպասարկել Ռուսաստանի շահերը: Եվ պատահական չէ Լավրովի արձագանքը, թե դա կառուցողական հայտարարություն չէ: Քանի որ կխանգարի Ռուսաստանի հետագա աշխարհաքաղաքական «բազարներին»:

Երկրորդ. Ռուսաստանում աճում է դժգոհությունը Պուտինի ռեժիմից: Հեղափոխական տրամադրությունները գնալով աճում են: Հայկական հեղափոխության ձախողումն անհրաժեշտ է Պուտինին ներռուսաստանյան հռետորաբանության համար: Եթե ձախողվի մեր հեղափոխությունը, ապա Պուտինը և նրան սպասարկող լրատվամիջոցներն օր ու գիշեր կխոսեն այդ մասին: Իսկ թե ինչպես կխոսեն, մենք բոլորս լավ գիտենք: Կբերեն մեր օրինակը և կասեն՝ տեսեք, թե ինչ վատ երևույթ է հեղափոխությունը: Մենք Ուկրաինայի օրինակով չխառնվեցինք իրենց ներքաղաքական գործընթացներին, ընդունեցինք Փաշինյանին և հյուր գնացինք, բայց, միևնույն է, ձախողվեցին, քանի որ հեղափոխությունն ինքնին չարիք է:

Քոչարյանը Պուտինին պետք է միայն մեկ բանի համար՝ օգտագործել որպես գործոն Հայաստանի իշխանությունների վրա ազդելու համար: Քոչարյանի ազատության մեջ հայտնվելը, նրա որպես գործոն օգտագործելու ՕԳԳ-ն ավելի կբարձրացնի: Ուստի, որպես այդ գործոնի չեզոքացման առաջին քայլ՝ պետք է նրան պահել այնտեղ, որտեղ հիմա գտնվում է:

Արիս Վաղարշակյան



 Պիտակներ

         Ռոբերտ Քոչարյան, Վլադիմիր Պուտին, Արիս Վաղարշակյան


Մեկնաբանել

Մուտք գործեք կայք

լուսանկար չկա
Գովազդ
››› Ինչո՞ւ են զինվորները զոհվում Ղարաբաղում և ինչո՞ւ են բոլոր զոհերը հայաստանցի
››› Մշակութային հեղափոխություն չի լինելու
››› Ատելության խոսքը, ամբոխահաճությունը և տրամաբանությունը
››› Տաշիրյան սարդոստայն
››› Գործող Սահմանադրությունը կարող է ոչնչացնել հեղափոխությունը
››› Առաջիկա երկու-երեք ամիսները վճռորոշ են լինելու
››› ԱԱԾ-ն պետք է կանխի Քոչարյանի գայթակղությունները
››› Նիկոլն ընդդեմ Նիկոլի
››› Այսպես է լինում, երբ վեթթինգի փոխարեն հավատում են դատախազի ազնիվ խոսքին
››› Սրանց գործը փախնողներին «հաջող» անելն է
››› Արսեն Թորոսյանն ու Ալեն Սիմոնյանը՝ 1-9 հաշվով պարտության գլխավոր մեղավորներ
››› Ակորդեոնիստը որոշել է նստել «սուխոյ ատկազով»
››› ՀՀԿ-ի անհաջող գրագողությունը
››› Տանը վեր ընկնելու ժամանակները
››› Անցյալի պատանդները

Ամենաընթերցված