ԿԳՄՍ նախարարությունն ի պատասխան Aravot.am-ի հարցմանը, թե ինչո՞ւ է հին և միջնադարյան գրականությունը հանվել դասագրքերից, պարզաբանել է. «10-րդ դասարանում ուսումնական նյութի կրկնությունից խուսափելու նպատակով, բայց և ժամանակագրության պահպանման սկզբունքից ելնելով՝ ուսումնական նյութի ուսումնասիրումը սկսվում է Խ․ Աբովյանով։ Միջնադարյան գրականությունը առաջարկվում է ուսումնասիրել լրացուցիչ գրականության ցանկում՝ «Ինքնություն և մշակույթ» թեմայի շրջանակում»:
«ՉԻ». Դե, իհարկե: Նարեկացուց հետո էլ ֆրիկ-մրիկ սովորելը մի տեսակ ժամանակի անտեղի կորուստ է:
Տաղանդավոր աշակերտներին, լինում է, չէ՞, որ միանգամից մի երկու դասարան բարձր են ուղարկում: Հիմա մենք հարուստ ու տաղանդավոր ժողովուրդ ենք, միանգամից 10-րդ դարից բարձրանում ենք 19-րդ դար:
Մեր մեջ ասած, հայ ժողովրդի պատմության մի ահագին հատված էլ կարելի է հանել. Տիգրան Մեծի ժամանակներից մինչև 2018-ի հեղափոխություն. թող երեխաները դա ուսումնասիրեն լրացուցիչ գրականության ցանկում՝ «Պատմության հակառակ կողմն ու արվեստ» թեմայի շրջանակում: