Վարչապետ Նիկոլ Փաշինյանը ԿԳՄՍ նախարարությունում քննարկման ժամանակ ասել է. «Դասագրքերը պետք է տան պետականակենտրոն ուղերձներ»:
«ՉԻ». Այսինքն, մինչև հիմա մեր դասագրքերը ապակենտրոն ուղերձներ էին տալիս: Կամ ապազգային: Չգիտենք, էդ մենակ ինքը կարող է ասել, թե պետականակենտրոն ուղերձը որն է:
Կամ էլ դասագրքերում պետք է ընդգրկվեն մեր երկրի ղեկավարների ամանորյա շնորհավորական ուղերձները: Որ լսում ես, ահագին պետականակենտրոն են:
Սպասենք, տեսնենք՝ ինչ դասագրքեր են լինելու. Արցախի մասը կհանեն միջից, դա հեչ պետականակենտրոն չի, ավելի շուտ անջատողակենտրոն է: Եկեղեցու մասն արդեն մանրից հանում են: