Այս շաբաթ՝ պատերազմից հետո Հայաստանում ամենաքննարկվող թեման ԱՄՆ-ի նախագահական ընտրություններն էին: Պահ կար, որ Բայդենի ու Թրամպի ստացած տոկոսների հարցն ավելի շատ էր մտահոգում օգտատերերին, քան Արցախում ընթացող ռազմական գործողությունները:
Ու միայն հիմա չէ այսպես. ամերիկյան ղեկավարի ընտրությունները միշտ մեր մոտ առանձնահատուկ ուշադրություն են գրավում:
Բայց ավելի հետաքրքիր է, որ թեժ քննարկումներ են գնում, թե ով է Հայաստանի համար նախընտրելի. Թրա՞մպը, թե՞ Բայդենը: Թեպետ անցած 100 տարվա բոլոր ընտրությունները պետք է հուշեին, որ ամերիկացիները իրենց համար են նախագահ ընտրում և ոչ թե՝ Հայաստանի, և մեր համար որևէ տարբերություն չկա, թե նրանցից ով կլինի նախագահ:
«Չորրորդ իշխանություն», թիվ 34, 2020