Հինգշաբթի 17.06.2021 12:39

19.05.2021   20:00
1184

Վազգենը, Սերժը, Ռոբերտն ու Նիկոլը ճիշտ էին


ՀՀԿ անդամ Էդուարդ Շարմազանովը՝ անդրադառնալով ՀԱԿ համագումարում Լևոն Տեր-Պետրոսյանի ելույթին, ասել է. «1998 թվականից հետո անցած 20 տարիները ապացուցեցին, որ Վազգեն Սարգսյանը, Սերժ Սարգսյանը և Ռոբերտ Քոչարյանը ճիշտ էին, իսկ Լևոն Տեր-Պետրոսյանը՝ սխալ»:

Նախ, այն մասին, թե ինչ էր ասել Տեր-Պետրոսյանն իր ելույթում: Մեջբերում ենք. «Պարտության հիմքը դրվել է 1998 թվականին, այդ իշխանությունների կողմից որդեգրված ստատուս-քվոյի պահպանման և ոչ մի թիզ հող չզիջելու հնարավորության սին հավատամքի վրա: Իսկ պարտության ավարտը նշանավորվել է Փաշինյանի՝ «Արցախը Հայաստան է և վերջ» սադրիչ հայտարարությամբ»:

Հիմա եկեք տեսնենք, թե որքանով էին Վազգենը, Ռոբերտն ու Սերժը ճիշտ: Տեր-Պետրոսյանը 1998-ին ասել էր, որ ղարաբաղյան հակամարտությունը պետք է լուծել, փոխզիջումներով, փուլային տարբերակով, խաղաղություն հաստատել: 

Ի՞նչ էր ասել հայտնի եռյակը. «Իսրայելի օրինակը ցույց է տալիս, որ կարելի է զարգանալ նաև մեկուսացման պայմաններում» (Ռ. Քոչարյան), «Ղարաբաղյան կարգավորման պրոցեսում պետք է վարել ակտիվ սառեցման քաղաքականություն» (Վազգեն Սարգսյան, Սերժ Սարգսյան).

«Ղարաբաղի հարցում հիմա կարիք չունենք փոխզիջման գնալու։ Կզիջենք այն ժամանակ, երբ հարկադրված կլինենք» (Վազգեն Սարգսյան):

Ի՞նչ էր ասել Տեր-Պետրոսյանը. «Փաթեթային, փուլային կամ այլ տարբերակների շուրջ թվացյալ բանավեճը, վստահ եմ, սոսկ շղարշ է՝ կարգավորման պրոցեսը ձգձգելու, այսօրվա իրավիճակը, այսինքն՝ ստատուս-քվոն որքան հնարավոր է երկար պահպանելու համար։ Ես ցավով նախազգում եմ, թե դա ինչ ահավոր վտանգ է ներկայացնում թե՛ Ղարաբաղի, թե՛ Հայաստանի գոյության համար։ Այսօր մենք, ինչպես Բաթումից ու Ալեքսանդրապոլից առաջ, թերևս Ղարաբաղի հարցի նպաստավոր լուծման և Հայաստանի բարգավաճման վերջին պատեհությունն ենք կորցնում։ Եվ դրա համար մենք բոլորս էլ պատասխան ենք տալու մեր ժողովրդին»:

Անցել է 23 տարի: Հիմա 2021 թվականի մայիսն է: Դե հիմա պրն Շարմազանով, ասեք, տեսնենք, թե Վազգեն Սարգսյանը, Սերժ Սարգսյանը և Ռոբերտ Քոչարյանը ոնց և որտեղ ճիշտ դուրս եկան: Ում կանխատեսումներն են իրականացել, ումը՝ մնացել բորդյուրին: Այսինքն՝ մի բանում այս եռյակը ճիշտ է դուրս եկել. զիջումներ արվել են այն ժամանակ, երբ հարկադրված ենք եղել: Եթե Շարմազանովը սա նկատի ունի, ապա բան չունենք ասելու, ճիշտ է ասում: Բայց այդ դեպքում Նիկոլից ի՞նչ եք ուզում. մարդը զիջել է այն ժամանակ, երբ հարկադրված է եղել: Արել է ճիշտ այն, ինչ դեռ 1998-ին պնդել են հայտնի ուժերը: Վարել է կարգավորման գործընթացը հնարավորինս սառեցնելու քաղաքականություն, հայտարարել է, որ փոխզիջումների կարիք չունենք, Արցախը Հայաստան է ու պրծ, ասել է՝ մենք այսպես էլ կզարգանանք, առանց հարցը լուծելու: Վերջում էլ պատերազմ է եղել, որը տանուլ է տվել, զիջումներ է արել: Հիմա դուք ի՞նչ երեսով եք Նիկոլին կապիտուլյանտ համարում, եթե ձեր իսկ վարած քաղաքականությունն է իրականացրել, ձեր առաջ քաշած թեզերով է առաջնորդվել: 

Ուրեմն, եթե Վազգեն Սարգսյանը, Սերժ Սարգսյանը և Ռոբերտ Քոչարյանը ճիշտ էին, նշանակում է՝ Նիկոլ Փաշինյանն էլ էր ճիշտ: Կամ դուք էլ եք հետը կապիտուլյանտ, եթե այդպես եք իրեն համարում, կամ էլ՝ ձեր այդ գավառական շուստրիությունները պահեք ձեզ:  

Նորից ենք հիշեցնում. 2020 թվականին տեղի է ունեցել այն, ինչի մասին Առաջին նախագահը զգուշացրել էր 1998 թվականի հունվարին: Ու մարդիկ, որոնք 20 տարի շարունակ Արցախի հարցը տարել են դեպի պարտություն, այսօր ասում են՝ մենք ճիշտ էինք: Բա ո՞ւր է ձեր ճիշտը: Ո՞ւր են ձեր հաղթական լուծումները, ոչ մի թիզը, Բաքվում չայ խմելը: Ցույց տվեք, մենք էլ ուրախանանք: 



 Պիտակներ

         Սերժ Սարգսյան, Ռոբերտ Քոչարյան, Վազգեն Սարգսյան, Էդուարդ Շարմազանով, Լևոն Տեր-Պետրոսյան, Նիկոլ Փաշինյան

››› Չարենց. Դաշնակցականներին (Ներբող քաղաքական)
››› Սա քո պատերազմն էր, Նիկո՛լ
››› Ոչ ոք չի թաքցրել տարածքներ զիջելու փաստը
››› Քայլ արեք, իրար կերեք
››› Արմեն Շեկոյան. Միջնորդը
››› «Չորրորդ իշխանություն» թերթի և 4rd.am կայքի ՀԱՅՏԱՐԱՐՈՒԹՅՈՒՆԸ
››› Ո՞ւմ ձեռնտու չէ 200 միլիոն դոլարի ներդրումը
››› Երևանի ժառանգության պաշտպանության կոմիտեի հայտարարությունը
››› Իշխելու թշվառությունն ու փառքի արվեստը
››› Անասնաֆերմա՝ Նարեկ Սարգսյանից Նիկոլ Փաշինյանին... Տիգրան Ավինյանին էլ
››› Մերժվածների ջղակծկումների և վարչապետի ձախողումների արանքում
››› Ո՞վ է եղել իրական դավաճանը
››› Երբ թիրախավորվում է լռությունը
››› Ինչո՞ւ են զինվորները զոհվում Ղարաբաղում և ինչո՞ւ են բոլոր զոհերը հայաստանցի
››› Մշակութային հեղափոխություն չի լինելու
››› Ատելության խոսքը, ամբոխահաճությունը և տրամաբանությունը
››› Տաշիրյան սարդոստայն
››› Գործող Սահմանադրությունը կարող է ոչնչացնել հեղափոխությունը
››› Առաջիկա երկու-երեք ամիսները վճռորոշ են լինելու
››› ԱԱԾ-ն պետք է կանխի Քոչարյանի գայթակղությունները
››› Նիկոլն ընդդեմ Նիկոլի
››› Այսպես է լինում, երբ վեթթինգի փոխարեն հավատում են դատախազի ազնիվ խոսքին
››› Սրանց գործը փախնողներին «հաջող» անելն է
››› Արսեն Թորոսյանն ու Ալեն Սիմոնյանը՝ 1-9 հաշվով պարտության գլխավոր մեղավորներ
››› Ակորդեոնիստը որոշել է նստել «սուխոյ ատկազով»
››› ՀՀԿ-ի անհաջող գրագողությունը
››› Տանը վեր ընկնելու ժամանակները
››› Անցյալի պատանդները

Ամենաընթերցված


























Գործակալ 00
Գործակալ 00
01.01.2020 / 22716


Խոսող ձուկը
Խոսող ձուկը
10.11.2019 / 22196


Պեսիմիստական
Պեսիմիստական
08.03.2020 / 21041


Բոլոլա շաբաթ
Բոլոլա շաբաթ
28.09.2019 / 20522





Բա
Բա
20.11.2020 / 19259



Գործակալ 00
Գործակալ 00
01.01.2020 / 18546





Գործակալ 00
Գործակալ 00
01.01.2020 / 17333

The Tashir spider web
The Tashir spider web
09.12.2019 / 17191