Արա Պապյանը ֆեյսբուքի իր էջում գրել է. «Ո՞վ գիտականորեն կբացատրի մի նկատելի օրինաչափություն՝ Նիկոլին պաշտպանողների մի զգալի մասը հետբալզակյան տարիքի կանայք են:
Արդյոք սա սեռական չբավարարված էներգիայի ենթագիտակցական սուբլիմացիա՞ն է իրենց մտապատկերում կերտած արուի վրա»:
«ՉԻ». Եթե Պապյանը մի լուրջ սոցիոլոգիական հետազոտություն անցկացներ ու պարզեր, որ իսկապես Փաշինյանին պաշտպանողները 35-40 տարեկան կանայք են, ապա խոսակցության ուրիշ թեմա կլիներ: Իսկ այսպես, իբր փորձում է ծաղրել Նիկոլ Փաշինյանի էլեկտորատին:
Պապյանը գոնե հասկանո՞ւմ է, որ փորձելով ծաղրել Փաշինյանին՝ իրականում մեծ կոմպլիմենտ է անում նրան: Յուրաքանչյուր էլեկտորալ համայնապատկերում հետբալզակյան կանանց քաղաքական աջակցությունը չափազանց կարևոր աջակցություն է, և ցանկացած քաղաքական ուժ ձգտում է ստանալ նման աջակցություն:
Իրականում, խնդիրը թերևս ուրիշ տեղ է: Պապյանը գուցե չգիտի հետբալզակյան տարիքը որն է: Նրա կարծիքով հետբալզակյան տարիքը 70-ն անց կանայք են: Նա այս համոզման է եկել այն պատճառով, որովհետև ֆեյսբուքյան իր գրառումներին, որոնց առյուծի բաժինը նվիրված է ֆեյք կայքերից «շեյռեր» անելուն, հակադարձում են հիմնականում այդ տարիքի կանայք:
Հ.Գ. Նույն հաջողությամբ կարելի է պնդել, որ Պապյանի հետևորդների մի զգալի մասը հիմնականում 100 տարին անց և բանականության հետ խնդիրներ ունեցող անձինք են: Միայն այդ տարիքում և միայն մառազմի մեջ կարելի է լուրջ ընդունել Վիլսոնի քարտեզը: