ՀՀԿ փոխնախագահ Արմեն Աշոտյանը. «Առավոտվանից երկիրը, հասարակական ու քաղաքական շրջանակները քննարկում են Հրայր Թովմասյանի հանդեպ շարունակաբար գործադրվող ճնշումների նոր արարը:
Բախտի բերմամբ, զուգահեռ տեղի է ունենում Ազգային Ժողովի նիստ, որտեղ և ոչ մի պատգամավոր և ոչ մի խոսք Սահմանադրական Դատարանի նախագահի հանդեպ գործադրվող և աղաղակող քայլերից դեռ չի խոսել:
Այդ ԱԺ-ն փակեք, տեղը coffee-shop կամ sushi-bar բացեք, մեկ է երկրի քաղաքական օրակարգը արդեն մեկ տարի է, ինչ այդ պատերից դուրս է»:
«ՉԻ». Իրականում սա հետաքրքիր դիտարկում է: Իսկապես, Հրայր Թովմասյանի տան խուզարկության թեմային գոնե ԲՀԿ և «Լուսավոր Հայաստան» խմբակցությունների պատգամավորները պետք է անդրադառնային: Հաստատ իշխանությունները չեն նրանց արգելել խոսել:
Բայց որ Աշոտյանը այս խորհրդարանին ինչ-որ անուն է կպցնում, դա արդեն ցինիզմից էլ դենն է: 20 տարի խորհրդարանը իրենց ձեռքում է եղել, և բացի կնոպկա սեղմելուց որևէ այլ բան չենք հիշում, որ արած լինեն: Հոտի պես քշում էին այստեղ, հետո՝ այնտեղ: Սա եք եղել դուք: Մեկ-մեկ Շմայսն էր ծաղկացնում ձեր օրենսդրական գործունեությունը: Այնքան գաղջ ու սովետական գարշահոտ էր գալիս հանրապետական խորհրդարանից, որ նույնիսկ պոպկորնով էլ չէր դիտվում:
Ու հիմա սրանք փորձում են դասեր տալ: