ԱԺ ՔՊ խմբակցության պատգամավոր Խաչատուր Սուքիասյանը, անդրադառնալով այն հարցին, թե արդյո՞ք Հայաստանը Ցեղասպանության ճանաչման պահանջատիրությունից հրաժարվում է, ասել է. «Ցեղասպանության ճանաչումը քաղաքական առևտուր է. ցեղասպանվելու մեջ մեր մեղքն էլ կա»:
«ՉԻ». Մենք չենք զարմանա, եթե պարզվի, որ Ադրբեջանը կամ Թուրքիան Հայաստանի իշխանություններից պահանջել են ընդունել հայերի մեղքը Ցեղասպանության մեջ: Կամ էլ նույնիսկ ստիպեն ընդունել, որ դա իրականում ինքնացեղասպանություն է եղել, հետո շառը գցել են թուրքերի վրա:
Մենք հասկանում ենք, որ որպես տասնամյակների փորձ ունեցող առևտրական՝ Խաչատուր Սուքիասյանը Ցեղասպանության հարցն էլ է դիտարկում առևտրականի աչքերով, որտեղ կարելի է սակարկել, վաճառել, գնել, շահույթ ստանալ:
Այնպես, ինչպես իշխանությունների ամբողջ գործելաոճն է: Անկախությունը, ինքնիշխանությունը, պետականության խորհրդանիշերը դարձրել են առևտրի առարկա: