Արգիշտի Քյարամյան. Կենդանակերպի նշանը՝ Հազարոտնուկ:
Այս համաստեղության տակ ծնվածների համար շաբաթը հագեցած կլինի սրընթաց իրադարձություններով:
Երկուշաբթին հրաշալի կսկսվի. ձեզ կնշանակեն Ագարակի պղնձամոլիբդենային կոմբինատի տնօրեն:
Երեքշաբթի օրը Ագարակի կոմբինատը Ռուսաստանը «Գույք պարտքի դիմաց» գործարքի շրջանակներում կվերցնի. տրամադրության անկում, դեպրեսիա:
Չորեքշաբթի կանցնեք աշխատանքի «Սևան-Հրազդան» կասկադում՝ որպես հերթափոխի պետ. երեկոյան պատահաբար կխառնեք ֆազը նոլի հետ:
Հինգշաբթի օրը ուշքի կգաք Հանրապետական հիվանդանոցի վերակենդանացման բաժնում. երեկոյան կնշանակվեք Հանրապետական հիվանդանոցի վերակենդանացման բաժնի վարիչ:
Ուրբաթ օրը Հանրապետական հիվանդանոցում լույսերը կգնան. բողոք կգրեք դատախազություն. հետաքննության արդյունքում կնշանակվեք ՀՀ ՊՆ թիկունքի պետ և կստանաք գեներալ-մայորի կոչում:
Շաբաթը և կիրակին կանցկացնեք Google-ում. կփնտրեք «Տարվա 10 ամենահաճելի պաշտոնները» վերնագրով հոդվածները: Չվհատվեք. դուք հաստատ կգտնեք ձեր ուզածը: