Արթուր Վանեցյան. Կենդանակերպի նշանը՝ Գաղտնազավր:
Այս համաստեղության տակ ծնվածների համար շաբաթը հագեցած կլինի մերկացնող իրադարձություններով:
Երկուշաբթի օրը պղնձի միջազգային գները կհավասարվեն նավթի գներին. ստիպված կլինեք պղինձը ոչ թե վաճառել, այլ՝ հանձնել ընդունման կետեր:
Երեքշաբթի օրը «Յուքոմը» սնանկ կճանաչվի. տրամադրության անկում, դեպրեսիա:
Չորեքշաբթի աշխատանքային այցով կմեկնեք Մոսկվա, այնտեղից կոնսպիրատիվ այցով՝ Հռոմ:
Հինգշաբթի օրը՝ Կոլիզեումի պատերի տակ հանդիպում գործով ինքնությունը չպարզված անձի հետ. ֆինանսական գործերի բարելավում, բաժնետոմսերի ավելացում, կուսակցության ստեղծում, հիմնադրամի բացում:
Ուրբաթ օրը կհայտարարեք` պետության բյուջեից ոչ մի դրամ չեք գողացել, ոչինչ չեք թալանել, Միշիկին չեք ճանաչում և պատիվ ունեք:
Շաբաթը և կիրակին կանցկացնեք վերջին երկու տարվա բոլոր գաղտնալսված հեռախոսազրույցները ջնջելով: Եվ հիշեք. «պալիտն» ու «պատիվը» տարբեր բաներ են: