ՆԱԽՈՐԴ ՏԱՐՎԱ ԼԱՎԱԳՈՒՅՆ ՀՐԱՊԱՐԱԿՈՒՄՆԵՐԸ
Հրայր Թովմասյան. Կենդանակերպի նշանը` Pochoff aghvesus:
Այս համաստեղության տակ ծնվածների համար շաբաթը հագեցած կլինի վճռական իրադարձություններով:
Երկուշաբթի օրը գրիչներ կուղարկեք ԵԽԽՎ-ին, Եվրադատարանին, ԵԱՏՄ-ին, ՈՒԵՖԱ-ին և կենդանիների պաշտպանության միջազգային գործակալությանը:
Երեքշաբթի օրը մինչև 65 տարին լրանալը կնշանակվեք Corloff ընկերության պաշտոնական և բացառիկ դիստրիբյուտերը Հայաստանում:
Չորեքշաբթի կհայտարարեք, որ իշխանությունների սրած գրիչը մի օր մտնելու է խորհրդարանի օրակարգ:
Հինգշաբթի օրը աշխատանքային հանդիպում կունենաք Վատիկանի նախկին դեսպանի հետ. կքննարկվեն ձեզ սրբադասելու հարցերը:
Ուրբաթ օրը Սահմանադրական դատարանի շենքը կշրջապատեք փշալարերով, կփորեք խրամատներ ու կկառուցեք դզօտներ՝ հայտարարելով, որ այսուհետ Արցախի սահմանն այստեղով է անցնելու:
Շաբաթը և կիրակին կանցկացնեք ինտերնետում. չինական կեղծված Corloff գրիչներ ճարելու և ներկրելու նպատակով:
«Չորրորդ իշխանություն», թիվ 18, 2020