Երեքշաբթի 19.10.2021 13:54

11.10.2021   16:15
704

Այս մի պրոցեսն էլ սկսվեց


«Ադեկվադ» կուսակցության հիմնադիր Արթուր Դանիելյանը գրել է.

«Կապանում ասում են, որ դեռ 90-ականներին Շանթ Հարությունյանը որոշ հարցերում օգնել է Փարսյաններին և Փարսյանները՝ ի պատիվ իրենց, երբեք դա չեն մոռացել ու միշտ Շանթի կողքին են եղել իր վայրիվերումներով լի կենսագրության ընթացքում: Գալիք ընտրություններին էլ Փարսյանը հենց Շանթի հետ դաշինքով է մասնակցում: Շանթն էլ դե հայ ազգայնական է, ցեղակրոն կուսակցության ստեղծողը, երդվյալ Նժդեհական, սյունեցի ու մի մարդ, որ ոչ պաշտոնի, ոչ փողի դիմաց հայրենիք չի ծախի: 

Ու դե մեկ էլ Շանթը էն մարդն է որ դեռ 2018-ին ասեց, որ էս հեղափոխություն կոչեցյալը արվել է Արցախը հանձնելու ու դրանից հետո Քոչարյանին իշխանության բերելու համար: 

Էս ամեն ինչը իմանալով դժվար չէ հասկանալ, թե ինչու է «մատրիցան» խոտան տալիս ու ինչու է Փաշինյան-Քոչարյան դաշինքը այդպես վատ տրամադրված Փարսյանի հանդեպ: Փարսյանը աջակցել է Քոչարյանին՝ միամտաբար կարծելով, որ նա Փաշինյանի դեմ է պայքարում, իսկ Քոչարյանը երբեք չի սատարի Փարսյանների նմաններին: 

Հ.Գ. Բա որ իմանաք Գյումրիում ինչ ա կատարվում...»:

Ամենահետաքրքիր մասում լույսերը գնացին: Բայց դե, եղածն էլ պակաս հետաքրքիր չէր: Վերջին օրերին նկատել ենք՝ շատերն են սկսել կասկած հայտնել, որ Նիկոլ Փաշինյանն ու Քոչարյանը իրար հետ ինչ-որ պասերով են գործում: Ընդ որում՝ կասկած հայտնողների մի մասը հենց նախկին քոչարյանական թևից է, որոնք հիասթափվել են Քոչարյանից՝ համարելով, որ վերջինս Փաշինյանի օրակարգով է առաջնորդվում: Ու երկուստեք շահավետ սիմբիոզ է ստացվել:

Բայց թերևս առաջին անգամ է, որ հակաիշխանական թևի առավել ակտիվ ներկայացուցիչներից մեկն այսպես բացահայտ ու անվանական է խոսում Փաշինյան-Քոչարյան կապի մասին:

Արթուր Դանիելյանի ասածն այն է, որ Կապանի ներկայիս քաղաքապետ Գևորգ Փարսյանը վերջին մեկ տարում չէր թաքցրել, որ սատարում է Քոչարյանին, բայց վերջինս իրեն «քցել է» և հրաժարվել է առաջիկա ՏԻՄ ընտրություններում աջակցել Փարսյանին, ինչը կարող է նպաստել իշխանության ներկայացուցչի հաղթանակին այդ ընտրություններում: Կոպիտ ասած՝ Փարսյանը մենակ է մնացել: Այնքան մենակ, որ Սյունիքի նախկին մարզպետ, հիմա «Հայաստան» խմբակցության պատգամավոր Վահե Հակոբյանը ԱԺ-ում ճեպազրույցի ժամանակ՝ անդրադառնալով Փարսյանի առաջադրմանը գալիք ՏԻՄ ընտրություններին, հեգնական տոնով ասաց՝ «դե, կտենանք՝ ինչքան կհավաքի»: Սա նույն Արթուր Դանիելյանն է հիշեցնում: 

Իհարկե, մենք էլ այս ամիսներին բազմիցս ենք գրել, որ Նիկոլ Փաշինյանի՝ իշխանությունը պահպանելու լավագույն տարբերակն այն էր, որ իր հիմնական այլընտրանք համարվեր Ռոբերտ Քոչարյանը: Այսինքն՝ քաղաքացիները պետք է կանգնեին երկընտրանքի առջև՝ Նիկոլ vs Ռոբերտ: Ե՛վ պատերազմից անմիջապես հետո, և՛ վերջին խորհրդարանական ընտրություններում հենց Քոչարյանի գործոնն է էական նշանակություն ունեցել, որ Փաշինյանը պահպանել է իշխանությունը: Ի դեպ, նույն սիմբիոզից շահեց նաև Քոչարյանը. հենց Փաշինյանի շնորհիվ նա քաղաքական դիակից նորից վերածվեց քաղաքական դաշտի ակտիվ դերակատարի: Դե, բա չկասկածե՞ս, որ այստեղ մի բան այն չէ: 

Բայց մի բան է, երբ դա մենք էինք ասում, և մեկ այլ բան, երբ այժմ դա ասում են այս ընդդիմության հայտնի դեմքերը: Իսկ կրակն առանց ծուխ չի լինում: 

Բացառված չէ, որ առաջիկայում ընդդիմության տարբեր թևերի միջև այս անթաքույց առճակատումը նոր դրսևորումներ ստանա՝ սլիվների, տարբեր փաստեր հրապարակելու, իրար մերկացնելու տեսքով: Սա Հայաստանի քաղաքական դաշտն է, այստեղ ամեն ինչ հնարավոր է:

Հ.Գ. Ափսոս, դեռ չենք իմանում, թե Գյումրիում ինչ ա կատարվում:



 Պիտակներ

         Արթուր Դանիելյան, Գևորգ Փարսյան, Վահե Հակոբյան, Ռոբերտ Քոչարյան, Նիկոլ Փաշինյան

››› Չարենց. Դաշնակցականներին (Ներբող քաղաքական)
››› Սա քո պատերազմն էր, Նիկո՛լ
››› Ոչ ոք չի թաքցրել տարածքներ զիջելու փաստը
››› Քայլ արեք, իրար կերեք
››› Արմեն Շեկոյան. Միջնորդը
››› «Չորրորդ իշխանություն» թերթի և 4rd.am կայքի ՀԱՅՏԱՐԱՐՈՒԹՅՈՒՆԸ
››› Ո՞ւմ ձեռնտու չէ 200 միլիոն դոլարի ներդրումը
››› Երևանի ժառանգության պաշտպանության կոմիտեի հայտարարությունը
››› Իշխելու թշվառությունն ու փառքի արվեստը
››› Անասնաֆերմա՝ Նարեկ Սարգսյանից Նիկոլ Փաշինյանին... Տիգրան Ավինյանին էլ
››› Մերժվածների ջղակծկումների և վարչապետի ձախողումների արանքում
››› Ո՞վ է եղել իրական դավաճանը
››› Երբ թիրախավորվում է լռությունը
››› Ինչո՞ւ են զինվորները զոհվում Ղարաբաղում և ինչո՞ւ են բոլոր զոհերը հայաստանցի
››› Մշակութային հեղափոխություն չի լինելու
››› Ատելության խոսքը, ամբոխահաճությունը և տրամաբանությունը
››› Տաշիրյան սարդոստայն
››› Գործող Սահմանադրությունը կարող է ոչնչացնել հեղափոխությունը
››› Առաջիկա երկու-երեք ամիսները վճռորոշ են լինելու
››› ԱԱԾ-ն պետք է կանխի Քոչարյանի գայթակղությունները
››› Նիկոլն ընդդեմ Նիկոլի
››› Այսպես է լինում, երբ վեթթինգի փոխարեն հավատում են դատախազի ազնիվ խոսքին
››› Սրանց գործը փախնողներին «հաջող» անելն է
››› Արսեն Թորոսյանն ու Ալեն Սիմոնյանը՝ 1-9 հաշվով պարտության գլխավոր մեղավորներ
››› Ակորդեոնիստը որոշել է նստել «սուխոյ ատկազով»
››› ՀՀԿ-ի անհաջող գրագողությունը
››› Տանը վեր ընկնելու ժամանակները
››› Անցյալի պատանդները

Ամսվա ամենաընթերցվածները

Գույժ
Գույժ
16.10.2021 / 9033




























Հերքում
Հերքում
12.10.2021 / 1401

Պողոսի երազը
Պողոսի երազը
12.10.2021 / 1321