24.07.2021   11:00
861

Լևոն Շիրինյանի երազը


Ինքը FM-26/1 ռադիոկայանի ստուդիայում քաղաքագիտություն է դասավանդում խորհրդարանական ուժերի համար: «...և երբ Վարդան Մամիկոնյանը բունկերից դուրս եկավ, հայոց զորքը ցնծաց, պարսիկներին ջարդելով սկսեց առաջ գնալ, բայց Վասակ Մամիկոնյանը չթողեց, որ մերոնք հասնեն մինչև Եփրատ ու հակառակորդին կապիտուլյացիա պարտադրեն: Հարցեր կա՞ն»:

Վահե Հակոբյանը ձեռք է բարձրացնում: «Ասա, Վահե»: «Ընկեր Շիրինյան, իսկ հայոց զինվորների թրերը պղնձի՞ց էին պատրաստված, թե՞ ֆերոմոլիբդենից»: «Դե գիտեք, որ Արտաշես թագավորի օրոք գյոզալ երկիրը քանդել էին, բանակին հոտած միս էին տալիս, պղինձն էլ տանում, Պարսկաստան ծախում էին: Դրա համար 380-ականների ժանգոտած զենքերով էին մերոնք կռվում»:  

Ռոբերտ Քոչարյանն է ձեռք բարձրացնում. «Ընկեր Շիրինյան, իսկ պարսիկներն էդ փղերը օրավարձո՞վ էին վերցնում, թե՞ ժամավճարով»: 

«Չէ, պարսիկները Աֆրիկայում ներդրումներ էին արել, դրա դիմաց Նուբիան փղեր, առյուծներ, զեբրեր և այլ հարձակողական կենդանիներ էր մատակարարում: Հետո մերոնք բողոքի նոտա ուղարկեցին Նուբաց թագավորին, դրանից հետո մեզ 100 տաղանդ վարկի դիմաց սկսեցին ստրատեգիական նշանակության նիզակներ տալ: Հարցդ տուր, Արծվիկ»: 

«Իսկ ինչի՞ Վարդան Մամիկոնյանը կոալիցիա չստեղծեց Բյուզանդիայի հետ»:

«Արծվիկ, ով ինչ խոսա, դու կոալիցիայից ես խոսում: Բյուզանդիան մեր թշնամին է եղել, միշտ տակից խփել է մերոնց: Հետո դրանք գնացին Ռուսաստան, այնտեղից մեր դեմ սկսեցին դավեր նյութել»:

Այդ պահին ստուդիա մտնում է Արայիկ Հարությունյանը. «Կներեք ուշացման համար, գնացել էի Էջմիածին՝ նորանշանակ Կաթողիկոսին Մայր Աթոռում ներկայացնելու համար»:

«Նստի, նստի,- ասում է ինքը ու նկատում, որ Արարատ Միրզոյանն ու Ալեն Սիմոնյանն իրար քաշքշում են,- ի՞նչ ա եղել, մի հատ հանգիստ»:

«Ընկեր Շիրինյան, էս Ալենը եկել, տեղս է նստել, ասեք, թող ուրիշ տեղ նստի»,- բողոքում է Արարատը: «Թող ինքը գնա, կարո՞ղ ա գրանցված ա ստեղ»,- հակադարձում է Ալենը: «Արո, վերջում ազատ տեղ կա, Գրիգորյան Արմենը տեղափոխվել է ուրիշ դպրոց, գնա իր տեղը նստի»,- ասում է ինքը:

Հանկարծ դռները բացվում են, ներս են մտնում մի խումբ զինված ոստիկաններ, ստուգում ստուդիայի անկյունները և կանգնում այնտեղ, որից հետո ներս է մտնում տնօրենը՝ Նիկոլ Փաշինյանը: Բոլորը ոտքի են կանգնում ու հարգալից բացականչում. «Բարև ձեզ, ընկեր Փաշինյան»:

«Նստեք, նստեք,- ձեռքով է անում Նիկոլը,- ուզում եմ շնորհավորել ձեզ՝ ուսումնական նոր տարվա կապակցությամբ: Չնայած այնքան էլ հաջող չհանձնեցիք վերաքննությունը, անիմաստ բողոքարկեցիք, բայց ուրախ եմ, որ հաշտվել եք ձեր գնահատականների հետ: Այժմ ես գնամ, իսկ դուք խելոք նստեք և սովորեք: Պարոն Շիրինյանը մեր լավագույն դասախոսներից է, կպատմի ձեզ մեր աննախադեպ հաջողությունների և վառ ապագայի մասին: Ասացի, նստեք, կանգնած մի մնացեք»,- ասում է տնօրենը, ընկերական թփթփացնում իր ուսին ու հեռանում:

Արթնանում է Մակրոնի դեմքը վերլուծելիս:



 Պիտակներ

         Արարատ Միրզոյան, Ռոբերտ Քոչարյան, Նիկոլ Փաշինյան, Արայիկ Հարությունյան, Արծվիկ Մինասյան, Ալեն Սիմոնյան, Լևոն Շիրինյան, Վահե Հակոբյան

››› Չարենց. Դաշնակցականներին (Ներբող քաղաքական)
››› Սա քո պատերազմն էր, Նիկո՛լ
››› Ոչ ոք չի թաքցրել տարածքներ զիջելու փաստը
››› Քայլ արեք, իրար կերեք
››› Արմեն Շեկոյան. Միջնորդը
››› «Չորրորդ իշխանություն» թերթի և 4rd.am կայքի ՀԱՅՏԱՐԱՐՈՒԹՅՈՒՆԸ
››› Ո՞ւմ ձեռնտու չէ 200 միլիոն դոլարի ներդրումը
››› Երևանի ժառանգության պաշտպանության կոմիտեի հայտարարությունը
››› Իշխելու թշվառությունն ու փառքի արվեստը
››› Անասնաֆերմա՝ Նարեկ Սարգսյանից Նիկոլ Փաշինյանին... Տիգրան Ավինյանին էլ
››› Մերժվածների ջղակծկումների և վարչապետի ձախողումների արանքում
››› Ո՞վ է եղել իրական դավաճանը
››› Երբ թիրախավորվում է լռությունը
››› Ինչո՞ւ են զինվորները զոհվում Ղարաբաղում և ինչո՞ւ են բոլոր զոհերը հայաստանցի
››› Մշակութային հեղափոխություն չի լինելու
››› Ատելության խոսքը, ամբոխահաճությունը և տրամաբանությունը
››› Տաշիրյան սարդոստայն
››› Գործող Սահմանադրությունը կարող է ոչնչացնել հեղափոխությունը
››› Առաջիկա երկու-երեք ամիսները վճռորոշ են լինելու
››› ԱԱԾ-ն պետք է կանխի Քոչարյանի գայթակղությունները
››› Նիկոլն ընդդեմ Նիկոլի
››› Այսպես է լինում, երբ վեթթինգի փոխարեն հավատում են դատախազի ազնիվ խոսքին
››› Սրանց գործը փախնողներին «հաջող» անելն է
››› Արսեն Թորոսյանն ու Ալեն Սիմոնյանը՝ 1-9 հաշվով պարտության գլխավոր մեղավորներ
››› Ակորդեոնիստը որոշել է նստել «սուխոյ ատկազով»
››› ՀՀԿ-ի անհաջող գրագողությունը
››› Տանը վեր ընկնելու ժամանակները
››› Անցյալի պատանդները

Ամսվա ամենաընթերցվածները


















Էս չե՞ք դուք
Էս չե՞ք դուք
06.09.2021 / 1279