Չորեքշաբթի 22.09.2021 10:01

18.07.2021   10:45
1143

Ազգակործանները Ազգային Ժողովում են և բարեհաջող շարունակում են իրենց գործը


Լևոն Տեր-Պետրոսյանի նախընտրական առաջարկը Ռոբերտ Քոչարյանին և Սերժ Սարգսյանին լակմուսի թուղթ էր: Այն բացահայտեց այսօր որպես ընդդիմություն հանդես եկող ուժերի իրական նպատակը, ինչպես նաև ի ցույց դրեց նրանց «թաքուն» համագործակցությունը ազգակործան պատուհասի հետ:

Մեր ընթերցողներին հիշեցնենք, թե ինչ էր առաջարկում ՀՀ առաջին Նախագահը:

Այսպես, ըստ Լ. Տեր-Պետրոսյանի՝ Հայաստանում պահի պահանջները բավարարող նոր իշխանության ձևավորելու նպատակով պետության երեք նախագահները պետք է մասնակցեին ընտրություններին «Ազգային համաձայնության դաշինք» անվանումը կրող ցուցակով և, որ չափազանց կարևոր է, իշխանության նոր ձևավորվելիք համակարգում որևէ պաշտոն զբաղեցնելուն չհավակնելու պայմանով

Ի դեպ, մինչ այս առաջարկը հրապարակելը Լևոն Տեր-Պետրոսյանը խոսել էր իր պատկերացրած կառավարության մասին, որ պետք է բաղկացած լիներ արհեստավարժներից կամ տեխնոկրատներից: Սա Հայաստանը հեռու կպահեր ներքաղաքական լարվածությունից և թույլ կտար դժվարին խնդիրների համար պրոֆեսիոնալ, իրատեսական լուծումներ գտնել:

Մեկ անգամ էլ կրկնենք՝ երեք նախագահների այսպիսի միավորումը ենթադրում էր, որ նրանցից ոչ մեկը պետական պաշտոնի չէր հավակնելու, սակայն նրանց սատարող ուժերի դաշինքը կարողանալու էր իշխանությունից հեռացնել Նիկոլ Փաշինյանին և նրա թիմը, որոնց գործունեությունը նորանոր աղետներ է խոստանում երկրին:

Անկեղծ լինելու համար նշենք, որ Լ. Տեր-Պետրոսյանի համակիրների մի մասն էլ չհասկացավ առաջարկի էությունը: Բացատրենք. Լ. Տեր-Պետրոսյանը դարձյալ ճիշտ էր, քանի որ նրան հետաքրքրում էր ոչ թե անձնական կամ խմբային կուսակցական շահը, այլ պետությունը: Սա չափազանց պարզ ճշմարտություն է:

Ի՞նչ արեցին Ռոբերտ Քոչարյանը և Սերժ Սարգսյանը: Բնական է, նրանք մերժեցին միասնական դաշինքը: Ավելին, Ռոբերտ Քոչարյանը նախընտրական շրջանում համոզված պնդում էր, որ «կրելու է»՝ ավելացնելով Ն. Փաշինյանի վերընտրության հնարավորությունները: Նա պատրանքներ ունեցող անձ չէ և քաջ գիտակցում էր, որ ազգակործան պատուհասն օգտագործում է իր հանգամանքը՝ ընտրողների որոշակի զանգվածի ահաբեկելու համար: 

Հետընտրական շրջանում շատ լավ երևում է, որ Ռ. Քոչարյանը լուծեց իր խնդիրը, վերադարձավ քաղաքական դաշտ: Եվ հիմա հանգիստ նայում է, թե ինչպես են վրեժ լուծում իր դաշինքի սյունեցի անդամներից: 

Սերժ Սարգսյանի ողջ գործունեությանը բնորոշ է զգուշավորությունը: Նա այս անգամ էլ գերադասեց ստվերից ազդել քաղաքական իրադարձությունների վրա՝ իր անունը «Պատիվ ունեմ» դաշինքի ցուցակում չընդգրկելով:Նա էլ է անձնական հարց լուծում և հասել է որոշակի հաջողության. նրա ղեկավարած ուժը տեղ ունի Ազգային ժողովում: 

Իհարկե, նա էլ է անտարբեր այն բռնությունների նկատմամբ, որոնց ենթարկվում են ընդդիմության ներկայացուցիչները, որովհետև պատրաստվում է երկարատև խաղի:

Եվ վերջապես, կրկնենք բազմիցս ասվածը. Ռոբերտ Քոչարյանին և Սերժ Սարգսյանին պետության ճակատագիրն առանձնապես չի հուզում, ավելին, նրանց ձեռնտու է անպատասխանատու, անատամ ընդդիմության կարգավիճակը, որովհետև հետագա բոլոր աղետների պատասխանատվությունն ընկնելու է իշխանության վրա: 

Ամփոփենք. Լևոն Տեր-Պետրոսյանի առաջարկը նշանակում էր պատասխանատվության ստանձնում, նշանակում էր նորմալ, բանիմաց իշխանության ձևավորում՝ հանուն Հայաստանի Հանրապետության: Այս առաջարկը որևէ անձնական կամ խմբային շահութամաս չէր խոստանում կողմերին, դրա համար էլ մերժվեց: 

Զարուհի Գաբրիելյան

Հ.Գ. «Հայաստան» և «Պատիվ ունեմ» դաշինքները կարող են հերքել Նիկոլ Փաշինյանին սատարելու մեր կարծիքը: Այո՛, նրանք կարող են պայմանավորվել և չվերցնել պատգամավորական մանդատները… 



 Պիտակներ

         Սերժ Սարգսյան, Նիկոլ Փաշինյան, Զարուհի Գաբրիելյան, Ռոբերտ Քոչարյան, Լևոն Տեր-Պետրոսյան

››› Չարենց. Դաշնակցականներին (Ներբող քաղաքական)
››› Սա քո պատերազմն էր, Նիկո՛լ
››› Ոչ ոք չի թաքցրել տարածքներ զիջելու փաստը
››› Քայլ արեք, իրար կերեք
››› Արմեն Շեկոյան. Միջնորդը
››› «Չորրորդ իշխանություն» թերթի և 4rd.am կայքի ՀԱՅՏԱՐԱՐՈՒԹՅՈՒՆԸ
››› Ո՞ւմ ձեռնտու չէ 200 միլիոն դոլարի ներդրումը
››› Երևանի ժառանգության պաշտպանության կոմիտեի հայտարարությունը
››› Իշխելու թշվառությունն ու փառքի արվեստը
››› Անասնաֆերմա՝ Նարեկ Սարգսյանից Նիկոլ Փաշինյանին... Տիգրան Ավինյանին էլ
››› Մերժվածների ջղակծկումների և վարչապետի ձախողումների արանքում
››› Ո՞վ է եղել իրական դավաճանը
››› Երբ թիրախավորվում է լռությունը
››› Ինչո՞ւ են զինվորները զոհվում Ղարաբաղում և ինչո՞ւ են բոլոր զոհերը հայաստանցի
››› Մշակութային հեղափոխություն չի լինելու
››› Ատելության խոսքը, ամբոխահաճությունը և տրամաբանությունը
››› Տաշիրյան սարդոստայն
››› Գործող Սահմանադրությունը կարող է ոչնչացնել հեղափոխությունը
››› Առաջիկա երկու-երեք ամիսները վճռորոշ են լինելու
››› ԱԱԾ-ն պետք է կանխի Քոչարյանի գայթակղությունները
››› Նիկոլն ընդդեմ Նիկոլի
››› Այսպես է լինում, երբ վեթթինգի փոխարեն հավատում են դատախազի ազնիվ խոսքին
››› Սրանց գործը փախնողներին «հաջող» անելն է
››› Արսեն Թորոսյանն ու Ալեն Սիմոնյանը՝ 1-9 հաշվով պարտության գլխավոր մեղավորներ
››› Ակորդեոնիստը որոշել է նստել «սուխոյ ատկազով»
››› ՀՀԿ-ի անհաջող գրագողությունը
››› Տանը վեր ընկնելու ժամանակները
››› Անցյալի պատանդները

Ամսվա ամենաընթերցվածները



















Էս չե՞ք դուք
Էս չե՞ք դուք
06.09.2021 / 1295