«Հայաստան» դաշինքի պատգամավորներից միայն դաշնակցական Իշխան Սաղաթելյանն է մտադիր վայր դնել իր մանդատը: Այս մասին InfoPort.am-ին հայտնել են «Հայաստան» դաշինքի իր աղբյուրները:
Մանդատը վայր դնելու մասին մտածում է նաև «Վերածնվող Հայաստան» կուսակցության նախագահ Վահե Հակոբյանը, իսկ պատգամավորներ Արմեն Չարչյանը և Արամ Վարդևանյանը չեն պատրաստվում այդպես անել:
«ՉԻ». Մենք էլ ասում ենք՝ էս քանի վախտը արևելագիտականի դեկան Ռուբեն Մելքոնյանն ինչի՞ է այսպես իրեն կոտորում, պատեպատ տալիս, բլթոց բլթոցի ետևից ասում, Քոչարյանի գովքը մինչև երկինք հասցնում, Քոչարյանի քննադատների մասին գրքեր է գրում:
Դու մի ասա, Ռուբեն Մելքոնյանը (մենք սրա մասին մոռացել էինք) «Հայաստան» դաշինքի ցուցակում է ընդգրկված: Երևի լսել է, որ դաշինքն այս օրերին փլուզվում է, որոշ պատգամավորներ կարող է մանդատները վայր դնեն ու եթե այսպես շարունակվի, իր մանկության երազանքը կարող է իրականություն դառնալ: Մանրից հերթը դեպի իրեն է գալիս: Բան չի մնացել:
Ռուբեն Մելքոնյանը դեռ հեչ, այս տեմպերով պատգամավոր դառնալու հերթը կարող է հասնել Լևոն Քոչարյանին:
Իսկ եթե Իշխան Սաղաթելյանը հանկարծ իսկապես մանդատը վայր դնի, դա իսկապես իրադարձություն կլինի, քանի որ դաշնակները, որպես կանոն, 130 տարի միայն մանդատի կռիվ են տվել: Մեր աչքում հաստատ կբարձրանա: