Բլից-վիրտուալ. Արթուր Վանեցյան

- Պարոն Վանեցյան, ձեզ շա՞տ են մտահոգում Հայաստանում վարակի տարածման տեմպերը:

- Այո, իհարկե, արդեն Կադիրովն էլ է վարակվել:

- Բայց Կադիրովն ի՞նչ կապ ունի Հայաստանի հետ:

- Չեմ պատասխանի այդ հարցին:

- Եթե դուք լինեիք վարչապետ, ավելի արդյունավե՞տ կպայքարեիք կորոնավիրուսի դեմ:

- Անշուշտ, երբ այդ վարակը նոր էր մտել Հայաստան, ես կտանեի, մի լավ տեղ պատիվ կտայի և հետո՝ երբ հարբած կլիներ, աննկատ կհեռացնեի Հայաստանից: Այդ առումով իմ ստաժը անգնահատելի է:

- Էլ ի՞նչ քայլերի կդիմեիք:

- Կհրապարակեի մեր զրույցը, և ամբողջ աշխարհը կտեսներ, թե ինչպես եմ վարակին ասում՝ հընկեր ջան, յան տուր Հայաստանից, հազիվ ուզում ենք դզվել, ինչո՞ւ ես լրացուցիչ խնդիրներ ստեղծում մեզ համար:

- Կասե՞ք մի քանի անուն, որ իշխանության գալուց հետո նշանակելու եք նախարարներ:

- Հերյուրանք է, Դռիկ Խչոն փոխնախարարից ավել չի ձգում: Արսեն Բաբայանը շատ լավ է հասկանում օրացույցից, ամենայն հավանականությամբ կնշանակենք տոնական օրերի կանոնակարգման և փոփոխման նախարար: Պետական միջոցների խնայման նպատակով ես կկատարեմ վարչապետի և պետական արարողակարգի վարչության պետի պարտականությունները: Ի վերջո, այս երկրում ինձանից լավ ո՞վ է պատիվ տալիս:

- Ինչպե՞ս է ստացվում, որ դուք և Միքայել Մինասյանը սինխրոն նույն տեքստերն եք ասում:

- Չգիտեմ, տեղյակ չեմ, պետք է հարցնել իմ օգնականներին: Միգուցե թղթերի մեջ շփոթել են՝ ինչը ինձ պետք է տան կարդալու, ինչը՝ Միքայել Մինասյանին: Իսկ ձեր հարցին պատասխանեմ շատ անկեղծ ու ուղիղ՝ ես ոչ մի կապ չունեմ Մինասյանի հետ: