80 մտավորական կոչվածների կոչ-հայտարարությունը՝ ուղղված միջազգային հանրությանը և Մինսկի խմբի համանախագահներին, ղարաբաղյան հակամարտության լուծման բանակցային գործընթացը վերսկսելու և Արցախի Հանրապետության բռնազավթված տարածքները դեօկուպացնելու պահանջով, բավական մեծ արձագանք ունեցավ: Ըստ էության, մտավորական դաշտը գրաված այս անձինք այդպես էլ ի վիճակի չեղան ընկալել քաղաքագիտության տարրական կանոնները, յուրացնել պետականության կայացման և ամրացման համար անհրաժեշտ գիտելիքները: 19-րդ դարի հայդուկային մտածելակերպն այնքան խորն է արմատավորված սրանց ուղեղներում, որ նրանցից այլ բան սպասելն անիմաստ է:
Դրա համար պարբերաբար կներկայացնենք այս մտավորական կոչվածների, իբր գիտնականների, մասնագիտությամբ պատմաբանների՝ տարբեր տարիների բլթոցները: Որպեսզի պատկերացում ունենաք, թե որքան հեռու են իրականության զգացումից, ինչպես է տգիտությունը բթացրել նրանց մոտ ռացիոնալ մտածելու ունակությունը և ինչպիսի աղետների է հանգեցրել սրանց «մտավոր» գործունեությունը:
«Ես համաձայն չեմ, որ մենք հետ ենք մնում հակառակորդից: Այն զինատեսակները, որ մենք ստանում ենք ՌԴ-ից, ավելի կատարելագործված են, քան այն զինատեսակները, որն ունի Ադրբեջանը»:
Ռուբեն Սաֆրաստյան, պատմաբան, 25.12.2017