Էդգար Ղազարյան (Լեհաստանում ՀՀ նախկին դեսպան). «Փաստ է, որ շարժումը թափ է հավաքում: Միայն այստեղ (Ֆրանսիայի հրապարակում) հավաքվող մարդկանց քանակը չէ ցուցիչը հասարակական տրամադրության, այստեղ հավաքվում են մարդիկ, որոնք դեսպաններն են մի քանի հազար մարդու, ովքեր ունեն այս իշխանության դեմ տեսակետներ» (Առավոտ, 22.05.2022):
— Այս հանճարեղ միտքը հասկանալու համար փորձենք դիմել մաթեմատիկայի օգնությանը: Ըստ դրա հեղինակի՝ միտինգավորներից յուրաքանչյուրը մի քանի հազար մարդու դեսպանն է: Օբյեկտիվ գնահատականներով, միտինգավորների թիվը չի անցնում 5000-ից: Հետևաբար, այդ թիվը բազմապատկելով 3000-ով, ստացվում է, որ Հայաստանի բնակչության թիվը 15 միլիոն է: Իսկ եթե նկատի ունենանք, որ առնվազն նույնքան մարդ էլ աջակցում է Նիկոլ Փաշինյանին, ապա կստացվի, որ Հայաստանի բնակչությունը կազմում է 30 միլիոն: Նման պարագայում Հայաստանը պետք է վաղուց ջախջախած լիներ Ադրբեջանին: