ԱԳ նախկին նախարար Վարդան Օսկանյանը «Հայաքվե» նախաձեռնության ստորագրահավաքին միանալուց հետո լրագրողների հետ զրույցում ասել է. «Եթե այսօր լիազորություն տրվի ինձ, մի խումբ դիվանագետների, ես վստահեցնում եմ ձեզ, 2-3 ամսվա ընթացքում կտրուկ կարելի է իրավիճակի մեջ փոփոխություն մտցնել: Բայց այստեղ մի քանի նախապայման կա. այդ լիազորությունը պետք է լինի 100 տոկոսանոց: Երկրորդ, Փաշինյանը երեք ամիս պետք է լռի, ուղղակի չխոսի ոչ մի տեղ»:
«ՉԻ». Հիմա ում էլ լիազորություն տաս, ավելի վատ դժվար լինի: Բայց նման բան Փաշինյանը կյանքում չի անի: Սպանես էլ: Պատերազմի օրերին երեք նախկին ղեկավարները դիմեցին նրան, առաջարկեցին իրենց լիազորել բանակցություններ վարելու համար, վարչապետը մերժեց:
Մերժեց, որովհետև վախեցավ, որ հետո նույն երեք ղեկավարները կարող է գլխին սարքեն, հեղաշրջում անեն, կամ էլ պատերազմի հետևանքները իր վրա բարդեն:
Հիմա առավել ևս ոչ մեկին չի վստահի:
Բայց այստեղ Վարդան Օսկանյանին էլ հարց ունենք. թե 2-3 ամսում իրավիճակ փոխող եք, 10 տարի 100 տոկոսանոց լիազորություն եք ունեցել, ինչի՞ այդ իրավիճակը չեք փոխել: