Երևանի նախկին քաղաքապետ, այժմ Նիկոլ Փաշինյանի խորհրդական Հրաչյա Սարգսյանը, անդրադառնալով Երևանում «Նեմեսիս» հուշարձանի տեղադրմանը, ասել է. «Տեղյակ եմ եղել Երևանում «Նեմեսիս» հուշարձանի տեղադրման մասին, վարչապետին չեմ ասել»:
«ՉԻ». Վերջացավ, գնաց: Այ, հիմա թուրքերը ստիպված օդային ճանապարհը փակելու են, բայց մենակ Հրաչյա Սարգսյանի համար:
Իսկ Նիկոլ Փաշինյանի ալիբին հաստատված է. նա տեղյակ չի եղել:
Նու, որ Թուրքիան շարունակի նվնվալ, շատ-շատ կարելի է Հրաչյա Սարգսյանի դեմ քրեական վարույթ նախաձեռնել՝ իմանալ-չհայտնելու հոդվածով: Մի տասը տարի թող էդ գործը դատարաններում քարշ գա, հետո ամունիստով բաց կթողնենք:
Ի՞նչ պիտի սրա դեմ անեն թուրքերը: Ոչ մի բան: Հո չե՞ն մեղադրելու երկրում տեղի ունեցող իրադարձություններից անտեղյակ վարչապետին: