ՀՀԿ փոխնախագահ Արմեն Աշոտյանն ասել է. «Սերժ Սարգսյանը չի ասել՝ Նիկոլը ճիշտ էր, ես սխալ, այլ ասել է՝ Նիկոլը ճիշտ էր, ես՝ սխալվեցի»:
«ՉԻ». Սա մեզ հիշեցրեց «12 աթոռ» ֆիլմի այն հատվածը, երբ Օստապ Բենդերը իր հետ նավ է բարձրացնում Կիսա Վորոբյանինովին, նավում ասում են՝ բա ասում էիր, ձեր հետ տղա եք բերելու, Բենդերը պատասխանում է՝ իսկ ով կասի, որ սա աղջիկ է, թող առաջինն ինքն ինձ քարով խփի:
Մեր Աշոտյանը Բենդերից այնքան էլ հեռու չի գնացել: Պարզվում է, Սերժ Սարգսյանը սխալ չէ, պարզապես սխալվել է: Այսինքն, կարող էր նաև սխալ չլինել, բայց՝ ճիշտ լիներ: Կարևորը՝ սխալ չի:
Կրթության և գիտության նախարարը, ինչպես երևում է, բառախաղերի մեծ վարպետ է, բայց դրանից Սերժ Սարգսյանի հրաժարականը չի փախչելու, եթե նույնիսկ նա ընդամենը սխալվել է: