ՀՀԿ փոխնախագահ Արմեն Աշոտյանն իր ֆեյսբուքյան էջում գրել է. «Հանրային դժգոհությունների ալիքը ժամանակավորապես կարող է նվազել որոշ ձախողված նախարարների հրաժարականով։ Ու Նիկոլը պատեհ պահին գոլորշին բաց թողնելու այս մեխանիզմից կօգտվի։
Սակայն դա չի լուծելու Հայաստանի համակարգային խնդիրները, քանզի հիվանդ է ոչ թե մի առանձին անդամ, այլ ամբողջական մարմինը։
Երկրին ոչ թե նախարարափոխություն է պետք, այլ իշխանափոխություն։
Ձուկը գլխից է հոտած»:
«ՉԻ». Ինքն էլ չհասկանալով՝ Աշոտյանը խոստովանում է, որ ժամանակին իրենք հոտած են եղել: Այսինքն՝ Սերժ Սարգսյանը սկսել էր հոտել, հետո դա տարածվել էր նախարարների վրա, այդ թվում՝ Աշոտյանի: Ինքն է ասում, մենք չենք ասում:
Ընդ որում, էնքան նեխած են եղել, որ մինչև հիմա սրանց վրայից հոտ է գալիս: Դրա համար է նաև օգտակար դիմակ կրելը, որ այդ նեխահոտը չշնչեք: Կորոնավիրուսին հավասար բան է:
Տեսական առումով Աշոտյանը արտառոց բան չի ասել. այո, ձուկը գլխից է հոտում: Ուղղակի չի հասկանում, որ առաջին հերթին մարդիկ իրենց մասին են մտածելու: Ու հետաքրքիր է, որ մինչև հիմա չեն ընդունում, որ 2018-ի հեղափոխությունը նաև իրենց հոտած լինելու արդյունքն էր: