Էշով եկավ, վեշով գնաց իջևանցին․․․

Պարզվում է՝ «էշով ակցիայի» հեղինակ Սևադա Ղուկասյանը սուտ մատնության մեղադրանքով երկու ամսով կալանավորվել է։ Ճիշտն ասած՝ լավ է պրծել։ Նա, եթե հիշում եք, իր հայրենի Իջևանից էշ էր բերել Երևան և ասում էր, որ պատրաստվում է Նիկոլ Փաշինյանին թարս նստեցնել այդ էշին ու Իջևան-Ղազախ ճանապարհով ուղարկել Ադրբեջան։ Այսինքն՝ իրավապահները հանգիստ կարող էին քրեական գործ հարուցել շատ ավելի ծանր հոդվածներով։ Մարդկանց թրաֆիքինգ, անօրինական բեռնափոխադրումներ, չլիցենզավորված տրանսպորտային միջոցի (էշի) ապօրինի շահագործում և այլն։ Իսկ նրան ընդամենը սուտ մատնության համար են կալանավորել՝ իբր ասել է, թե ոստիկաններն իր ատամը ջարդել են։ Մինչդեռ չեն ջարդել, մի թեթև կոտրել են։