Երեքշաբթի 11.08.2020 04:28

Երազահան
10.08.2020 / 22:00
Լուր-մեկնաբանություն
10.08.2020 / 21:00
Սատիրիկոն
10.08.2020 / 20:30
Քաղաքական
10.08.2020 / 20:00
Լուր-մեկնաբանություն
10.08.2020 / 19:00
Քաղաքական
10.08.2020 / 17:30
30.07.2020   22:00
1042

Էյնշտեյնը լիներ, Քոչարյանի անամոթությունը անսահման կհամարեր


«Այս կյանքում 2 անսահման բան կա՝ տիեզերքը և մարդկային հիմարությունը: Ընդ որում՝ տիեզերքի հարցում ես վստահ չեմ». ասում էր մեծն Ալբերտ Էյնշտեյնը։

Եթե Էյնշտեյնը այսօր լիներ, այդ երկու անսահմանություններին կավելացներ նաև Քոչարյան Ռոբերտի անամոթությունն ու ցինիկությունը, ընդ որում՝ այս անգամ անվստահություն հայտնելով տիեզերքի ու մարդկային հիմարության պարագայում, իսկ Քոչարյանի դեպքում վստահությունն անվերապահ կլիներ։

Իր ամեն մի հարցազրույցում, ցանկացած թեմայի անդրադարձում Ռոբերտ Քոչարյանը բացահայտում է իր ցինիկության, ստախոսության, իրականությունը կեղծելու անսահմանությունը։ Այս հարցում նա անմրցելի է։ Անմրցելի է համաշխարհային մակարդակով։

Ուղիղ նայելով մարդկանց աչքերի մեջ՝ ասում է ու պնդում է այնպիսի բաներ, որոնց մասին գրեթե ողջ հանրությունը գիտի, որ այդպես չէ, որ ասողը բացահայտ ստում է։ Ու այդ սուտն այնքան ակնառու է, որ դա վստահորեն պնդելը նշանակում է մի բան՝ ցինիկորեն ծիծաղել մարդկանց վրա։ Ընդ որում՝ ինչպես իր ասածները լսողների, այնպես էլ՝ չլսողների։

Նախօրեին իր «աջարակից» 3 հեռուստաընկերությունների հետ հարցազրույցում (իր պարագայում, ինչպես միշտ, նախապես պատրաստված, խմբագրված հարցաշարով) Ռոբերտ Քոչարյանը նորից բացել էր ստերի կծիկը ու իրար հետևից շաղ էր տալիս ստախոսության «գոհարներ»՝ իր պաշտոնավարման շրջանը նորից գովերգելով, Արցախի հարցում կեղծ թեզեր ներկայացնելով, հեղափոխության ու գործող իշխանության հասցեին բացահայտ ստեր արտաբերելով։

Ստերի շարանը հասավ ցինիկության գագաթնակետին ու անսահմանության, երբ Քոչարյան Ռոբերտը գործող իշխանությանը մեղադրեց կոռուպցիայի ու պետական բյուջեի թալանի մեջ։ Եվ այդ մեղադրանքը հնչեցնելու համար որևէ այլ բան չգտավ, քան այնքան չարչրկված պարգևավճարները. «120 միլիոն դոլարի պարգևավճարը, օրենքով չնախատեսված, ուղղակի՝ թևերն այսպես քշտած ձեռքերով բյուջե մտած, 120 միլիոն դոլարի պարգևավճարը կոռուպցիա է՞, թե՞ կոռուպցիա չէ։ Բյուջեից ակնհայտ գողություն է»։

Մի կողմ թողնենք պարգևավճարների ոչ միանշանակ ընդունվող հարցը, քանի որ դա քննարկելու, պաշտոնյաների վարձատրության իշխանության այս մոտեցման արդարացի-անարդարացի լինելը գնահատելու, հանրության առաջ պատասխանատվության և բարոյական հարթության մեջ ճիշտ կամ սխալ լինելու խնդիրը առանձին թեմա է։

Ուղղակի ուշադրություն դարձնենք, թե ով է խոսում կոռուպցիայի ու բյուջեի թալանի մասին։ Մի մարդ, որը պետական մակարդակով Հայաստանում արմատավորված կոռուպցիայի հիմնադիրն է, որի թեթև ձեռքով կոռուպցիան դրվել է պետական համակարգի կառավարման հիմքում՝ վերից վար։

Ո՞վ է խոսում թալանի մասին. մի մարդ, որը ոչ միայն թևերն էր քշտել պետական բյուջեն, երկրի հարստությունները թալանելու համար, այլև ամբողջ մարմնով ընկել էր բյուջեի ու պետության միջոցների վրա, յուրացնում, գրպանում, թալանում, սեփականացնում, խլում էր աչքին ընկածը։

Այսօրվա պաշտոնյաների 120 միլիոն դոլարի ընդհանուր պարգևավճարների մասին խոսում է մի մարդ, որն իր պաշտոնավարման շրջանում հսկայական հարստություն է դիզել, դոլարային միլիարդատեր դարձել, որի միայն սեփականությունների անվանումների թվարկումը մի քանի էջ կլցնի։

Ով-ով խոսի կոռուպցիայից ու թալանից, գոնե կոռուպցիայի ու թալանի գեներալսիմուս Քոչարյան Ռոբերտը չխոսի։ 
Ախր, ցինիկությունն ու անամոթությունն էլ չափ ու սահման ունեն։ Բայց, ինչպես երևում է՝ մեր «հերոսի» պարագայում դրանք անսահման են։ Էյնշտեյնը լիներ, նա էլ դա կասեր։

Համլետ Կիրակոսյան



Հարգելի ընթերցողներ, այստեղ դուք կարող եք տեղադրել ձեր կարծիքը տվյալ նյութի վերաբերյալ` օգտագործելով Facebook-ի ձեր account-ը: Խնդրում ենք լինել կոռեկտ և հետևել մեր պարզ կանոներին. արգելվում է տեղադրել թեմային չվերաբերող մեկնաբանություններ, գովազդային նյութեր, վիրավորանքներ և հայհոյանքներ: Խմբագրությունն իրավունք է վերապահում ջնջել մեկնաբանությունները` նշված կանոնները խախտելու դեպքում:
 Պիտակներ

         Ռոբերտ Քոչարյան, Համլետ Կիրակոսյան


››› Երևանի ժառանգության պաշտպանության կոմիտեի հայտարարությունը
››› Իշխելու թշվառությունն ու փառքի արվեստը
››› Անասնաֆերմա՝ Նարեկ Սարգսյանից Նիկոլ Փաշինյանին... Տիգրան Ավինյանին էլ
››› Մերժվածների ջղակծկումների և վարչապետի ձախողումների արանքում
››› Ո՞վ է եղել իրական դավաճանը
››› Երբ թիրախավորվում է լռությունը
››› Ինչո՞ւ են զինվորները զոհվում Ղարաբաղում և ինչո՞ւ են բոլոր զոհերը հայաստանցի
››› Մշակութային հեղափոխություն չի լինելու
››› Ատելության խոսքը, ամբոխահաճությունը և տրամաբանությունը
››› Տաշիրյան սարդոստայն
››› Գործող Սահմանադրությունը կարող է ոչնչացնել հեղափոխությունը
››› Առաջիկա երկու-երեք ամիսները վճռորոշ են լինելու
››› ԱԱԾ-ն պետք է կանխի Քոչարյանի գայթակղությունները
››› Նիկոլն ընդդեմ Նիկոլի
››› Այսպես է լինում, երբ վեթթինգի փոխարեն հավատում են դատախազի ազնիվ խոսքին
››› Սրանց գործը փախնողներին «հաջող» անելն է
››› Արսեն Թորոսյանն ու Ալեն Սիմոնյանը՝ 1-9 հաշվով պարտության գլխավոր մեղավորներ
››› Ակորդեոնիստը որոշել է նստել «սուխոյ ատկազով»
››› ՀՀԿ-ի անհաջող գրագողությունը
››› Տանը վեր ընկնելու ժամանակները
››› Անցյալի պատանդները

Ամենաընթերցված






Երգիր, որ չկռվես



«ՉԻ» ռիթմով
«ՉԻ» ռիթմով
01.08.2020 / 1184

















Սասնա բևեռ
Սասնա բևեռ
08.08.2020 / 766



Ստոպ-կադր
Ստոպ-կադր
01.08.2020 / 743









Մարգոյի ամոթը
Մարգոյի ամոթը
06.08.2020 / 626